شوبز انڈسٹری کی دیگر شخصیات کی طرح مقبول اداکارہ انمول بلوچ کی بھی رواں برس شادی ہونے کی خبریں سامنے آگئیں۔
چند دن قبل اداکارہ ماورا حسین اور امیر گیلانی رشتہ ازدواج میں بندھے تھے جب کہ ان سے قبل شہریار منور اور ماہین صدیقی نے بھی شادی کی تھی۔
اب خبریں سامنے آئی ہیں کہ مقبول اداکارہ انمول بلوچ بھی رواں برس کے وسط تک شادی کے بندھن میں بندھ جائیں گی۔
معروف شوبز ویب سائٹ نے اپنی رپورٹ میں دعویٰ کیا کہ انمول بلوچ رواں برس ہی شادی کے بندھن میں بندھ جائیں گی۔
رپورٹ میں اداکارہ کی شادی کے حوالے سے کوئی وقت نہیں بتایا گیا، تاہم امکان ہے کہ اداکارہ 2025 کے وسط تک رشتہ ازدواج میں بندھ جائیں گی۔
رپورٹ میں دعویٰ کیا گیا کہ انمول بلوچ کسی شوبز شخصیت نہیں بلکہ کاروباری شخص سے شادی کرنے جا رہی ہیں اور ان کے ہونے والے شوہر معروف کاروباری شخص کے بیٹے ہیں۔
رپورٹ میں بتایا گیا کہ انمول بلوچ اعلیٰ حکومتی عہدوں پر تعینات رہنے والے معروف صنعت کار کے بیٹے سے شادی کرنے جا رہی ہیں۔
انمول بلوچ کی شادی کی خبر سامنے آنے کے بعد متعدد شوبز ویب سائٹس اور سوشل میڈیا پیجز نے بھی اداکارہ کی شادی سے متعلق خبریں شائع کیں۔
رپورٹ میں بتایا کہ سال 2025 میں جہاں دیگر شخصیات رشتہ ازدواج میں بندھنے جا رہی ہیں، وہیں انمول بلوچ بھی نئی زندگی شروع کرنے جا رہی ہیں۔
انمول بلوچ کے علاوہ دیگر متعدد شوبز شخصیات کے بھی رواں برس شادی کرنے کی اطلاعات ہیں۔
دوسری جانب اداکارہ کبریٰ خان اور گوہر رشید کے حوالے سے بھی خبریں ہیں کہ وہ بھی جلد شادی کے بندھن میں بندھ جائیں گے، تاہم انہوں نے خود اس حوالے سے واضح طور پر کچھ نہیں کہا۔