بلوچستان کے ضلع بارکھان میں منگل اور بدھ کی درمیانی شب نامعلوم مسلح افراد نے سات مسافروں کو فائرنگ کرکے ہلاک کر دیا ہے۔ ڈپٹی کمشنر بارکھان کا کہنا ہے کہ ابتدائی تحقیقات کے مطابق ہلاک ہونے والے مسافروں کا تعلق پنجاب سے تھا۔
- سعودی عرب میں روس اور امریکہ کے درمیان ہونے والے مذاکرات کا پہلا دور ختم ہو چکا ہے۔
- روسی صدر پوتن کے فارن پالیسی ایڈوائزر یوری اشاکوف کا کہنا ہے کہ 'ہم اس حد تک متفق ہوئے ہیں کہ جلد مذاکرات کے لیے امن کاروں کی ایک علیحدہ ٹیم آپس میں ملاقات کرے گی۔'
- کریملن کا یہ بھی کہنا ہے کہ اگر ضروری ہوا تو روس کے صدر ولادیمیر پوتن اپنے یوکرینی ہم منصب ولادیمیر زیلنسکی سے بات کرنے کے لیے تیار ہیں۔
- ضلع کرم میں قافلے پر فائرنگ کے نتیجے میں پانچ سکیورٹی اہلکاروں سمیت چھ افراد کی ہلاکت کی تصدیق ہوگئی ہے۔
- پی ٹی آئی کے سابق رہنما شیر افضل مروت کا کہنا ہے کہ نواز شریف کو جس الزام پر نکالا گیا وہ غلط تھا۔
- ڈیلٹا ایئر لائنز کی پرواز 4819 کو ٹورنٹو ایئر پورٹ پر لینڈنگ کے دوران حادثہ پیش آیا جس کے بعد طیارہ رن وے پر پلٹ گیا۔
- طیارہ امریکی ریاست مینیسوٹا سے آ رہا تھا اور اس پر عملے کے چار ارکان سمیت 80 افراد سوار تھے۔
بلوچستان: کوئٹہ سے لاہور جانے والی بس پر فائرنگ، شناخت کے بعد سات مسافر ہلاک
