راولپنڈی: آرمی چیف جنرل سید عاصم منیر رائل ملٹری اکیڈمی سینڈہرسٹ کی کانفرنس میں شرکت کرنے برطانیہ پہنچ گئے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر برطانیہ کے اہم دورے پر ہیں۔ وہ رائل ملٹری اکیڈمی سینڈہرسٹ کی کانفرنس میں شرکت کریں گے۔
آرمی چیف پاکستان کے مستقبل کے آؤٹ لُک پر کلیدی خطاب کریں گے۔ علاقائی کانفرنس فوجی ڈائیلاگ کا ایک اعلیٰ سطح پلیٹ فارم ہے۔ اور آرمی چیف کو پہلے روز تاریخی رائل ہارس گارڈ پریڈ گراؤنڈ میں گارڈ آف آنر پیش کیا جائے گا۔
یہ بھی پڑھیں: قرضوں میں ڈوبی قومیں ترقی نہیں کرسکتیں، علی امین گنڈاپور
جنرل سید عاصم منیر برطانوی عسکری اور سول قیادت سے ملاقاتیں کریں گے۔ اور برطانوی چیف آف ڈیفنس اسٹاف، چیف آف جنرل اسٹاف اور نیشنل سیکیورٹی ایڈوائزر سے بھی ملاقاتیں ہوں گی۔
آرمی چیف کی برطانوی ہوم سیکرٹری سے بھی ملاقات شیڈول میں شامل ہے۔ جبکہ آرمی چیف لینڈ وار فیئر سینٹر اور فرسٹ اسٹرائیک بریگیڈ کا بھی دورہ کریں گے۔