چیئرین سینیٹ یوسف رضا گیلانی نے کہا ہے کہ اعجاز چوہدری کے پروڈکشن آرڈر پر عمل نہ ہونے سے ایوان کا استحقاق مجروح ہوا۔
چیئرمین سینیٹ یوسف رضا گیلانی کی زیر صدارت سینیٹ کا اجلاس ہوا، چیئرمین سینیٹ یوسف رضا گیلانی نے نومنتخبسینیٹر اسدقاسم سے حلف لیا۔
اس موقع پر پی ٹی آئی سینیٹر عون عباس نے پروڈکشن آرڈر کرنے پر چیئرمین سینیٹ کاشکریہ ادا کیا اور کہا کہ آپ نے چیئرمین سینیٹ کے عہدے کاوقار بڑھایا ہے۔
عون عباس نے کہا کہ چیئرمین سینیٹ میرے پروڈکشن آرڈر منسوخ کردیں،مجھے واپس جیل بھیج دیں،ضمانت ہوئی تو آجاؤں گا، انہوں نے کہا کہ اعجاز چودھری کے پروڈکشن آرڈر بھی جاری کریں۔
حکومت پنجاب نے ملازمین کی ٹیکس کٹوتی کی نئی ترمیم متعارف کروا دی
چیئرمین سینیٹ نے اعجاز چودھری کے پروڈکشن آرڈر پر عملدرآمد نہ کرنے پر رولنگ دیتے ہوئے کہا کہ عون عباس اور اعجاز چودھری کی گرفتاری سے چیئرمین سینیٹ کو آگاہ نہیں کیا گیا،پروڈکشن آرڈر پر جزوی طور پر عملدرآمد کیا گیا۔ پروڈکشن آرڈر پر عملدرآمد نہ کرکے اتھارٹی کو چیلنج کیا گیا ہے۔
اعجاز چودھری کے پروڈکشن آرڈرز پر عملدرآمد نہ ہونے سے ایوان کا استحقاق مجروح ہوا، چیئرمین سینیٹ نے اعجاز چوہدری کے پروڈکشن آرڈرز پر عملدرآمد نہ ہونے کا معاملہ استحقاق کمیٹی کے سپرد کردیا۔
سینیٹ میں اپوزیشن لیڈر شبلی فراز نے چیئرمین سینیٹ یوسف رضا گیلانی کی تعریف کرتے ہوئے کہا کہ آپ نے اعجاز چوہدری کے پروڈکشن آرڈرز جاری کرکے اپنا آئینی کردار ادا کیا، پوری اپوزیشن کی طرف سے آپ کے شکرگذار ہیں۔