کیپٹل ڈویلپمنٹ اتھارٹی نے اسلام آباد سے جنگلی شہتوت کے تمام درخت کاٹنے کا فیصلہ کیا ہے۔ شہتوت کی جگہ ہزاروں دیسی پودے لگائے جائیں گے۔
یہ فیصلہ سی ڈی اے ہیڈ کوارٹر میں چیئرمین سی ڈی اے محمد علی رندھاوا کی زیرِ صدارت اجلاس کے دوران کیا گیا، اجلاس میں دیگر اعلیٰ افسران بھی شریک ہوئے۔
پولن پر قابو، اسلام آبادمیں جنگلی شہتوت کی کٹائی شروع
اجلاس کو بتایا گیا کہ شہری ہر سال بڑے پیمانے پر پولن الرجی کا شکار ہو رہے ہیں، جنگلی شہتوت کے درخت اسلام آباد میں، خاص طور پر بہار کے موسم میں لوگوں کی بڑی تعداد کو متاثر کرتے ہیں۔
چیئرمین سی ڈی اے محمد علی رندھاوا نے شکر پڑیاں میں 10 ہزار سے زائد شہتوت کے درخت کاٹنے کی ہدایت دیتے ہوئے کہا کہ ان کی جگہ نئے ہزاروں دیسی درخت لگائے جائیں۔
مارکیٹ میں الرجی کے ملاوٹ شدہ انجکشن فروخت ہونےکا انکشاف
شہتوت کے درختوں سے ہوا میں پھیلنے والے پولن کے ذرات ، شدید قسم کی سانس کی الرجی اور بیماریوں کا سبب بنتے ہیں ، سی ڈی اے کے اقدام سے عوام کو سانس اور دمے کی بیماریوں سے نجات ملے گی۔