آج کل کے دور میں اگر کسی شخص کی سالانہ تنخواہ لاکھوں میں مقرر کی جائے لیکن وہ
پھر بھی معمولی وجہ کی بنا پر صرف 10 دن بعد ہی نوکری چھوڑ دے تو یقیناً آپ ایسے
شخص کو ذہنی مریض یا پاگل قرار دیں گے-
جی ہاں حقیقت میں ایسا ہی ایک دلچسپ واقعہ بھارت میں پیش آیا ہے جس کی کہانی
بھارتی میڈیا نے بتائی تو وہ وائرل ہوگئی۔
بھارت کی کمپنی نے جب ایک شخص کو 21 لاکھ بھارتی روپے (72 لاکھ سے زائد پاکستانی
روپے) سالانہ تنخواہ پر ملازمت پر رکھا تو وہ صرف 10 دن بعد ہی نوکری چھوڑ کر چلا
گیا۔
رپورٹس کے مطابق یہ شخص انڈین انسٹی ٹیوٹ آف مینجمنٹ کا گریجویٹ ہے جس نے نوکری کے
2 ہفتے بعد ہی کمپنی چھوڑ دی، مذکورہ واقعہ کمپنی کے ایک سیلز کے نمائندے نے شیئر
کیا جس کے مطابق اس شخص کو ایکاکاؤنٹ ایگزیکٹو کو تربیت دینے کے لیے رکھا گیا تھا۔
مذکورہ صارف نے بتایا کہ ٹرینی کی تنخواہ 2 لاکھ جوائننگ بونس کے ساتھ تقریباً 21
لاکھ سالانہ تھی لیکن زیادہ تنخواہ کے باوجود ٹرینی نے 10 دن میں نوکری چھوڑ دی۔
سیلز نمائندے نے بتایا کہ جب ٹرینی سے نوکری چھوڑنے کی وجہ پوچھی گئی تو اس نے
بتایا مجھے کہا گیا تھا کہ وہ مارکیٹنگ ڈپارٹمنٹ میں کام کرے گا لیکن اسے پہلے ایک
سال کے لیے سیلز کرنے کو کہا گیا۔
ٹرینی نے کہا یہ ہی وجہ ہے کہ میں نے نوکری چھوڑنے کا فیصلہ کیا کیونکہ میں اس کام
سے ناخوش تھا اور میری اس کام میں کوئی دلچسپی بھی نہیں تھی۔