کوشش ہے پاکستان پر امریکہ کی سفری پابندی نہ لگے، خواجہ آصف

image

اسلام آباد: وزیر دفاع خواجہ آصف نے کہا ہے کہ امریکہ کی جانب سے پاکستان پر سفری پابندیاں لگانا مناسب نہیں تاہم کوشش ہے کہ پاکستان پر سفری پابندی نہ لگے۔

وزیر دفاع خواجہ آصف نے تقریب سے خطاب کرتے ہوئے کہا کہ میرا نہیں خیال شریف اللہ کی حوالگی کا ٹرین واقعے سے کوئی تعلق ہو۔ ہوسکتا ہے دہشتگردوں کو دکھ ہو شریف اللہ کو کیوں امریکہ کے حوالے کیا گیا۔

انہوں نے کہا کہ پاکستان تحریک انصاف (پی ٹی آئی) سانحہ جعفر ایکسپریس پر پراپیگنڈا کر رہی ہے۔ اور اتنے روز گزرنے کے بعد بھی بانی پی ٹی آئی نے واقعےکی مذمت نہیں کی۔ بانی پی ٹی آئی جیل سے 3، 4 صفحات کے خط لکھتے ہیں۔ اخبارات میں آرٹیکل اور بیانات دیتے ہیں لیکن قومی سانحہ کی مذمت نہیں کی۔

یہ بھی پڑھیں: پیٹرولیم مصنوعات کی قیمتیں برقرار رکھنے کا فیصلہ

خواجہ آصف نے کہا کہ بانی پی ٹی آئی دہشتگردوں کو افغانستان لائے۔ اور اپنے اقتدار کی ضمانت لی تھی۔ پی ٹی آئی نے آل پارٹیز کانفرنس (اے پی سی) میں شرکت مشروط کی ہے۔ اور ان کا مؤقف ہے کہ بانی پی ٹی آئی کو پےرول پر لایا جائے۔

انہوں نے کہا کہ امریکہ کی جانب سے پاکستان پر سفری پابندیاں لگانا مناسب نہیں۔ اور حکومت نے اس مسئلہ کو اٹھایا ہے۔ ہفتہ 10 دن میں معاملہ حل ہوجائے گا۔ کوشش ہے کہ پاکستان پر سفری پابندی نہ لگے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.