رمضان المبارک کے آخری عشرے میں جہاں دنیا بھر میں مساجد میں تکمیلِ قرآن کی روح پرور محافل منعقد ہو رہی ہیں، وہیں بھارت میں ایک حیرت انگیز روایت دیکھنے میں آئی۔ ریاست اتر پردیش کے ضلع اناؤ میں ایک مسجد کے پیش امام کو بطور اعزاز سکّوں میں تولا گیا!
مولانا کا وزن 65 کلو، سکّے 90 ہزار بھارتی روپے کے!
یہ انوکھا منظر اناؤ کے علاقے دادا میاں موڑ پر واقع میناری مسجد میں دیکھا گیا، جہاں مولانا محمد ارشاد رضا نے تراویح میں قرآنِ پاک مکمل کرایا۔ مسجد کمیٹی اور اہلِ محلہ نے مولانا کی خدمات کو سراہتے ہوئے ان کا وزن بھاری مالیت کے سکّوں سے کیا، جس کی کل مالیت 90 ہزار بھارتی روپے (تقریباً 3 لاکھ پاکستانی روپے) تھی۔
امام صاحبان کی خدمات کا اعتراف ضروری ہے!
اس منفرد تقریب میں نائب شہر قاضی مولانا نعیم احمد مصباحی نے کہا:
"مساجد کے امام سال بھر بغیر کسی تعطیل کے دین کی خدمت کرتے ہیں، انہیں عزت دینا ہمارا فرض ہے۔"