پاکستان تحریک انصاف میں اختلافات کے حوالے سے پی ٹی آئی رہنما عاطف خان کا بیان سامنے آ گیا ہے۔
میڈیا سے گفتگو کے دوران عاطف خان کا کہنا تھا کہ وزیر اعلیٰ کا میرے ساتھ اختلاف ہے تو ٹھیک ہے، اسد قیصر، شکیل خان سمیت سینئر رہنماؤں کیخلاف باتیں نہیں ہونی چاہئیں۔
بانی پی ٹی آئی نے بھی درست بات نہ مانی تو صدارت چھوڑ دوں گا، جنید اکبر
انہوں نے مزید کہا کہ علی امین کے پارٹی فنڈز کے دعوے کا علم نہیں، قیادت نے کہا ہے اندر کے معاملات سامنے نہ لائیں۔
عاطف خان نے پی ٹی آئی میں فارورڈ بلاک بننے کی تردید کرتے ہوئے کہا کہ تحریک انصاف میں کوئی فارورڈ بلاک بننے نہیں جا رہا، پارٹی میں اختلاف ہوتا ہے لیکن بانی کی رہائی پر کوئی سمجھوتہ نہیں کرتے۔