وزیر مذہبی امور سردار یوسف نے کہا ہے کہ حج پروازیں 28 مئی سے شروع ہوں گی، 90 ہزار حجاج سرکاری طور پر جائیں گے۔
پریس کانفرنس سے خطاب کے دوران سردار یوسف نے کہا کہ ہمارا ٹریننگ کا پہلا سیشن مکمل ہو گیا ہے، دوسرے مرحلے کا تربیتی کیمپ 8 اپریل سے شروع ہو گا، حجاج وہاں تیاری کے ساتھ جائیں، ٹریننگ پر زیادہ کام کیا جا رہا ہے۔
وفاقی وزیر مذہبی امور سردار محمد یوسف کا مدینہ منورہ میں حج انتظامات کا جائزہ
ان کا مزید کہنا تھا کہ حجاج کیلئے ویکسینیشن سمیت دیگر اقدامات کیے جا رہے ہیں۔ ملک بھر میں جب پروازیں شروع ہوں گی، افسروں کی ڈیوٹیاں لگائی جائیں گی۔
وفاقی وزیر نے کہا کہ حج انتظامات آخری مراحل میں ہیں، اس سلسلے میں وزیر اعظم کی واضح ہدایات ہیں۔ لانگ ٹرم حج 10لاکھ 50 ہزار جبکہ
شارٹ ٹرم حج 11لاکھ 50 ہزار کا ہو گا ،جتنی رقم حاجی کی بچ جائے گی اسے واپس کیا جائے گا۔