کراچی میں ہونیوالی پہلی انڈر 23 ورلڈ سکواش چیمپئن شپ کا ٹائٹل پاکستان کے نور زمان نے اپنے نام کرلیا۔
ڈی اے کریک کلب میں ہونیوالی 60 ہزار ڈالرز انعامی رقم کی حامل چیمپئن شپ کے پانچ گیمز پر مشتمل فائنل پاکستان کے نور زمان نے مصری حریف کریم الترکی کے خلاف دو صفر کے خسارے سے کم بیک کے بعد تین سیٹ سے کامیابی حاصل کی۔
نورزمان جیت کی خوشی میں آبدیدہ ہوگئے، اس موقع پر نور زمان نے کہا کہ فائنل جیتنے کے لیے سخت محنت کی، میری محنت کا صلہ اللہ تعالیٰ نے مجھے دیا۔ انہوں نے کہا کہ جیت پورے ملک کے لیے اعزازہے، میچ کے لیے پریشر نہ لینے کا فیصلہ کیا تھا، آخری لمحےتک فائٹ کی اور کامیابی اپنےنام کی۔
واضح رہے کہ چیمپئن شپ کے پہلے سیمی فائنل میں نور زمان نے ملائیشیا کے امیش نیرج چندرن کو شکست دی تھی۔