پی ایس ایل کی براڈ کاسٹ کمپنی میں شامل بھارتی عملے کو واپس بھیج دیا گیا۔
ایس پی کینٹ علی رضا نے کہا ہے کہ براڈ کاسٹ کمپنی کے 18 بھارتی شہریوں کو بھارت روانہ کر دیا گیا ہے۔ براڈ کاسٹ کمپنی کے ارکان کو واہگہ بارڈر کے راستے بھارت بھجوایا گیا ہے، حکومت کی جانب سے بھارتی شہریوں کو فوری پاکستان چھوڑنے کی ہدایات جاری کی گئی تھیں۔
بارڈر حکام کے مطابق گزشتہ روز بھی واہگہ بارڈر سے 288 بھارتی شہری واپس روانہ ہوئے، گزشتہ روز ہی 190 پاکستانی وطن واپس پہنچے،دونوں ممالک کے درمیان باڈر پر ٹرانزٹ سرگرمیاں بھی معطل ہیں۔ ذرائع کا کہنا ہے کہ پی سی بی نے متبادل براڈ کاسٹرز کا انتظام کرلیا ہے،پاکستان سپر لیگ کے تمام میچز شیڈول کے تحت براڈ کاسٹ ہوں گے، میچز کے انعقاد اور براڈ کاسٹنگ میں کوئی خلل نہیں آئے گا۔