پاکستانی فوج کے شعبہ تعلقات عامہ (آئی ایس پی آر) کے سربراہ لیفٹیننٹ جنرل احمد شریف چوہدری کا کہنا ہے کہ انڈین طیاروں نے اپنی فضائی حدود سے بہاولپور اور مریدکے کے علاوہ پاکستان کے زیرِ انتظام کشمیر کے کوٹلی، مظفرآباد اور باغ میں پانچ مقامات پر میزائل داغے ہیں۔ ادھر پاکستان کے وزیر اعظم شہباز شریف نے قومی سلامتی کمیٹی کا اجلاس طلب کیا ہے جبکہ پنجاب کی وزیر اعلیٰ مریم نواز نے صوبے میں ہنگامی حالت نافذ کر دی ہے۔ جبکہ پاکستانی فوج نے دو انڈین طیارے اور ایک ڈرون مار گرانے کا دعویٰ کیا ہے۔
- انڈیا نے اپنی فضائی حدود سے پاکستان میں بہاولپور اور مریدکے کے علاوہ پاکستان کے زیرِ انتظام کشمیر کے کوٹلی، مظفرآباد اور باغ میں پانچ مقامات پر میزائل داغے: ڈی جی آئی ایس پی آر
- ’آپریشن سندور‘ کے تحت نو مقامات کو نشانہ بنایا گیا: انڈین حکومت
- پاکستانی حکام کے مطابق اب تک احمد پور شرقیہ پر حملے میں 12 شہری زخمی ہوئے ہیں جبکہ کوٹلی میں دو شہری مارے گئے ہیں
- پاکستان میں قومی سلامتی کمیٹی کا اجلاس طلب، پنجاب میں ہنگامی حالت نافذ
- پاکستان نے اگلے 48 گھنٹے تک اپنی فضائی حدود بند کر دی ہے
انڈیا کے پاکستان اور اس کے زیرِ انتظام کشمیر پر میزائل حملوں میں سات ہلاکتیں، پاکستانی فوج کا دو انڈین طیارے اور ایک ڈرون گرانے کا دعویٰ
