اہم نکات:
پاکستان کی کارروائی ابھی بھی دفاعی ہے: اسحاق ڈار
جی سیون ممالک کا پاکستان اور انڈیا سے ’کشیدگی میں کمی‘ پر زور
رحیم یار خان: شیخ زید ائیرپورٹ پر ڈرون حملہ ناکام
’آپریشن بنیان مرصُوص،‘ سائبر اٹیک کے ذریعے انڈیا کے 70 فیصد بجلی کے گرڈ ناکارہ
وزیراعظم نے نیشنل کمانڈ اتھارٹی کی میٹنگ طلب کر لیپاکستان کی طرف سے ’آپریشن بنیان مرصُوص‘ کے آغاز کے بعد وزیراعظم شہباز شریف نے نیشنل کمانڈ اتھارٹی (این سی اے) کی میٹنگ طلب کر لی ہے۔
نیشنل کمانڈ اتھارٹی نیوکلیئر اور میزائل پالیسی سے متعلق امور پر فیصلہ سازی کا اختیار رکھتی ہے۔ اس کا قیام فروری 2000 میں قومی سکیوریٹی کونسل کی جانب سے لایا گیا۔
نیشنل کمانڈ اتھارٹی اجلاس کی صدارت وزیراعظم شہباز شریف کریں گے۔ اجلاس میں اعلی سول اور عسکری حکام شرکت کریں گے۔
وفاقی وزراء برائے خارجہ، دفاع، داخلہ اور خزانہ بھی اتھارٹی کا حصہ ہیں۔
پاکستان کی کارروائی ابھی بھی دفاعی ہے: اسحاق ڈارپاکستان کے ڈپٹی وزیراعظم و وزیر خارجہ اسحاق ڈار نے کہا ہے کہ ’پاکستان کی کارروائی ابھی بھی دفاعی ہے، یہ اوفینسو نہیں ڈیفینسو کارروائی ہے۔‘سنیچر کی صبح جیو نیوز سے گفتگو کرتے ہوئے انہوں نے کہا کہ ’ہم اپنے جو دفاع کے طور پر جو کچھ اس وقت کر رہے ہیں اور جو کچھ اپ دیکھ رہے ہیں وہ اپنے دفاع میں کر رہے ہیں، کیونکہ انڈیا باز ہی نہیں آ رہا اور تین دن سے اس نے تماشہ لگایا ہوا ہے۔‘ان کا کہنا تھا کہ ’ہم اس علاقے میں انڈیا کی اجارہ داری قائم نہیں ہونے دیں گے۔‘جی سیون ممالک کا پاکستان اور انڈیا سے ’کشیدگی میں کمی‘ پر زورجی سیون ممالک کے گروپ نے پاکستان اور انڈیا سے ’کشیدگی کم کرنے‘ اور ’زیادہ سے زیادہ تحمل‘ سے کام لینے پر زور دیا ہے۔فرانسیسی نیوز ایجنسی اے ایف پی کے مطابق جی سیون ممالک کے وزرا خارجہ کی طرف سے جاری بیان میں کہا گیا ہے کہ ’مزید کشیدگی خطے کے استحکام کے لیے خطرہ ہے۔‘مزید کہا گیا کہ ’دونوں اطراف کو پرامن حل کے لیے براہ راست مذاکرات کرنے چاہییں۔‘’آپریشن بنیان مرصُوص،‘ سائبر اٹیک کے ذریعے انڈیا کے 70 فیصد بجلی کے گرڈ ناکارہسکیورٹی ذرائع کے مطابق پاکستان نے ’آپریشن بنیان مرصُوص‘ کے تحت سائبر اٹیک کے ذریعے انڈیا کے 70 فیصد بجلی کے گرڈ کو ناکارہ کر دیا ہے۔رحیم یار خان: شیخ زید ائیرپورٹ پر ڈرون حملہ ناکامرحیم یار خان میں شیخ زید ائیرپورٹ کو ڈرون سے نشانہ بنایا گیا جسے ناکارہ بنا دیا گیا۔ ڈپٹی کمشنر خرم پرویز کے مطابق سکیورٹی اداروں کی بروقت کارروائی سے ڈرونز کو گرا دیا گیا۔ان کے مطابق ڈرونز حملے میں کوئی جانی و مالی نقصان نہیں ہوا۔