اسرائیلی وزیرِ اعظم نیتن یاہو نے کہا ہے کہ ’یہ حملہ ایران کی جوہری افزودگی کے پروگرام کے دل کو نشانہ بنانے میں کامیاب رہا‘ اور وہ ایسے ’حملے تب تک جاری رکھیں گے جب تک اسرائیل کی بقا کے لیے موجود خطرہ ختم نہیں ہو جاتا۔‘ دوسری جانب ایران کی مسلح افواج کے ایک ترجمان نے کہا ہے کہ اسرائیل اور امریکہ کو ان حملوں کی ’بھاری قیمت‘ چکانا ہو گی۔
- اسرائیل کی جانب سے ایران کے ’جوہری پروگرام اور دیگر عسکری اہداف‘ کو نشانہ بنانے کا اعلان کیا گیا ہے۔
- ایران کے مختلف علاقوں سے دھماکوں کی آوازیں سنی گئی ہیں جبکہ سرکاری میڈیا پر دعویٰ کیا جا رہا ہے کہ اسرائیل نے تہران میں رہائشی علاقوں کو نشانہ بنایا۔
- اسرائیلی وزیرِ دفاع اسرائیل کاٹز نے اعلان کیا ہے کہ ایران کی جانب سے ممکنہ جوابی کارروائی کے پیش نظر اسرائیل میں ایمرجنسی نافذ کر دی گئی ہے۔
- امریکی وزیر خارجہ مارکو روبیو نے کہا ہے کہ ایران پر حملے میں امریکہ کا کوئی کردار نہیں۔
اسرائیلی حملے میں پاسداران انقلاب کے کمانڈر انچیف حسین سلامی ہلاک، اسرائیل اور امریکہ کو ’بھاری قیمت‘ چکانا ہو گی: ایران
