پاکستانی کرکٹ ٹیم جولائی میں تین میچوں کےلئے بنگلہ دیش کا دورا کریگی،بنگلہ دیشی کرکٹ بورڈ نے اس بات کی تصدیق کردی ہے، پاکستان کرکٹ ٹیم 16 جولائی کو ڈھاکہ پہنچے گی اور 20 جولائی اتوار کو پہلا ٹی ٹوئنٹی میچ ہوم سائیڈ سے کھیلے گی ۔
دوسرا ٹی ٹوئنٹی منگل 22 جولائی کو ہوگا، سیریز کا تیسرا اور آخری میچ جمعرات 24 جولائی کو شیڈول کیا گیا ہے۔ تینوں T-20 ڈھاکہ کے شیربنگلہ نیشنل کرکٹ اسٹیڈیم میں ہوں گے.
ہرمیچ کی پہلی گیند مقامی وقت کے مطابق شام 6 بجے کروائی جائے گی۔ واضح رہے کہ اس سے قبل دونوں ٹیمیں آخری بار قذافی اسٹیڈیم میں تین میچوں کی T-20 سیریز میں مدمقابل ہوچکی ہیں، جہاں ہوم سائیڈ نے مہمانوں پر کلین سویپ مکمل کیا۔