بلوچستان کے ضلع خضدار کے علاقے زہری میں سیکیورٹی فورسز کی کارروائی کے دوران فتنہِ الہندوستان کے خلاف آپریشن میں 14 دہشت گرد ہلاک اور 20 سے زائد زخمی ہوئے۔
آئی ایس پی آر کے مطابق آپریشن میں دہشت گردوں کے متعدد ٹھکانے تباہ کیے گئے۔ کارروائی کے دوران سیکیورٹی فورسز نے اپنے مؤثر اقدامات سے علاقے میں سیکیورٹی کی صورتحال مستحکم رکھی۔
آئی ایس پی آر نے کہا ہے کہ سیکیورٹی فورسز عوام کے تحفظ کو یقینی بنانے اور دہشت گردی کے خاتمے تک آپریشنز جاری رکھیں گی ۔
سیکیورٹی ذرائع نے مزید بتایا کہ فتنہِ الہندوستان گروپ کو حالیہ دنوں میں مختلف علاقوں میں ناکامیوں کا سامنا رہا ہے، سیکیورٹی فورسز نے اس عزم کا اظہار کیا کہ عوام کے تحفظ اور دہشت گردی کے مکمل خاتمے تک کارروائیاں جاری رہیں گی۔