کیا کروں کہ کل مرنا ہے۔۔۔ !!
(Maroofa Abdul Bais, Karachi)
زندگی ۔۔۔۔۔سنا ہے ناں اس لفظ کو ہم سب نے کہیں ۔۔!!
کیا ہے ؟ کوئی کیا جانے اس کے بارے میں ۔۔۔
میں نے زندگی کو یوں دیکھا، یوں سمجھا۔۔۔۔۔۔
اس زندگی میں
کبھی دل کے مسئلےہوتے ہیں،
کبھی ضدی جذبات ہوتے ہیں تو کبھی سر پھرے جملے ۔۔۔
زندگی نام ہے
کچھ ادھوری باتوں کا اور کچھ ان کہے سپنوں کا
آج جب سوچا تو معلوم ہوا کہ کہ جو کچھ اب تک دیکھا وہ تو بالکل بھی ٹھیک
نہیں ۔۔۔۔۔
بس اب مجھے ان سب مسائل کو حل کرنا ہے کیونکہ ابھی ابھی پتہ لگا ہے کہ کل
مرنا ہے !!!
تو اب بتا دے کوئی کہ میں کیا کروں ۔۔۔۔۔۔
ایک دن ایساجی لوں ۔۔۔ کہ جو دل بگڑے ہیں وہ جڑ جائیں
جو لاکھوں گلے شکوے ہیں وہ ہم سے دور ہو جائیں ۔۔
کہہ دوں کچھ ان کہی باتیں جو کبھی نہ کہیں ۔۔۔۔
سہہ لوں کچھ تلخ باتیں جو ہوجاتی ہیں کبھی کبھی
یا پھر کچھ باتوں کو ۔۔۔خار سی یادوں کو۔۔۔۔ اس کاغذ پر رکھو ں ۔۔۔جن کو
بچپن سے تھاما ہوا ہے ۔۔۔۔
دل چاہتاہے، موت سے ڈر کر اپنا ایک دن پرنور کردوں ۔۔۔۔۔۔۔
کوئی بتا دے ،کیا کروں ۔۔۔۔۔۔۔
کیونکہ موت تو کسی بھی گھڑی آ جائے گی ۔ملتے ہی مجھے نگل جائے گی ۔۔۔۔۔
اچھا فی الحال کیا ایسا ہوسکتا ہے کہ مجھے پتہ لگ جائے کہ میرا کتنا وقت
رہتا ہے تو میں وقت کو تھوڑا سا بانٹ دوں گی۔۔۔؟
یہ شکوے ۔عداوتیں ۔قباحتیں۔ ۔بے بات کی دوریاں ۔زبان کی تلخیاں ۔ چھوٹی بات
کے بڑے جھگڑے ان سب کو ملیا میٹ کر دوں گی۔۔۔۔
جو ٹوٹے دل کے پرزے ہیں انہیں ملادوں گی ۔۔۔۔روٹھے جو من ہیں انہیں منا دوں
گی ۔۔۔۔۔ چھوٹے جو پل ہیں انہیں مانگ لوں گی ۔۔۔۔۔
کہیں شگاف جو رشتوں میں رہ گئےہیں انہیں ڈھانپ دوں گی ۔۔۔۔
خوشیاں جتنی ہیں سب ڈھونڈ ڈھونڈ کر بانٹ لوں گی ۔۔۔۔۔جن لوگوں کے جذبات
میری وجہ سے مجروح ہوئے ہیں ،ان سے معافی مانگ لوں گی۔۔۔۔۔
جن کے حوصلے پست ہوئے ہیں، انہیں ہمت دے کر اٹھا لوں گی۔۔۔۔۔۔۔
جو دوریاں ہیں وہ مٹا دوں گی۔۔۔۔جو تلخیاں ہیں وہ ہٹا دوں گی ۔۔۔۔۔۔۔
مجھے بانہیں پھیلائے یہ دن جینا ہے ۔۔۔۔۔۔کیونکہ ابھی ابھی پتہ چلا کہ
کل مرنا ہے۔ ۔۔۔۔۔۔۔!!!
|
|