|
|
ہم سمجھتے کہ چیزوں کی دیکھ بھال صرف آج کے جدید دور میں
ہی کی جاتی ہے لیکن یہ حقیقت نہیں ہے- اگر ہم ماضی میں جھانکیں تو ہمیں پتہ
چلے گا کہ پہلے کے دور میں آج سے بھی زیادہ اچھے طریقے سے چیزوں کی دیکھ
بھال یا زندگی کو آسان بنایا جاتا تھا- اور وہ لوگ زیادہ تر ان کاموں کے
لیے گھریلو ٹوٹکوں اور طریقوں کا سہارا لیا کرتے تھے- |
|
ہوڈیز یا زپ والے
سوئیٹرز کی زپ لازمی بند کریں |
ہوڈیز یا زپ والے سوئیٹرز کر ڈرائیر میں خشک کرنے کے لیے
ڈالنے سے قبل اس کی زپ لازمی بند کریں-ورنہ کھلی زپ ڈرائیر کے مختلف حصوں
سے ٹکرا کر انہیں خراب کرسکتی ہے- اس کے علاوہ زیادہ درجہ حرارت پر نہ
سُکھائیں ورنہ ڈریس کے دھاگے سُکڑ سکتے ہیں جس سے زپ لہر دار ہوجائے گی- |
|
|
شاور ہیڈ کو صحیح طریقے
سے صاف کریں |
اگر آپ کو اپنے شاور کی دھار پہلے سے کمزور لگتی ہے، تو
آپ کے پاس سخت پانی ہو سکتا ہے- اس صورت میں، معدنیات آپ کے شاور کے ہیڈ
اور نوزل کو جام کر رہی ہوتی ہیں۔ اس کو صاف کرنے کے لیے دانتوں کا برش
سفید سرکہ میں بھگو کر اس سے اچھی طرح شاور کے ہیڈ کے اندرونی حصوں کو صاف
کریں تاکہ سارا گند نکل جائے اور سوراخ پوری طرح سے کھل جائیں- |
|
|
جوتوں سے بو آتی ہے تو
انہیں جراثیم سے پاک کریں |
اگر آپ کے جوتوں سے ناگوار بو آتی ہے، تو آپ جوتے کے
اندر جراثیم کش اسپرے کر سکتے ہیں تاکہ بو کا باعث بننے والے بیکٹیریا کو
ختم کیا جا سکے۔ ڈیوڈورنٹ بھی کام کر سکتا ہے، لیکن یہ بو کو صرف چھپا دے
گا، وجہ کو ختم نہیں کرے گا۔ |
|
|
مہنگی ڈرائر
شیٹس کے بجائے اون ڈرائر بالز کا استعمال کریں |
اگرچہ یہ چیز عام نہیں ہے لیکن پھر بھی آپ کی
معلومات میں اضافہ کرتے چلیں کہ اون کی گیندیں ڈرائر کے لیے ہیں تاکہ
لانڈری کو مزید نرم بنایا جا سکے۔ اور ان گیندوں کو دوبارہ استعمال بھی کیا
جاسکتا ہے- اس لیے یہ اسٹور سے خریدی گئی مہنگی ڈرائر شیٹس کے بجائے اون
ڈرائر بالز کا استعمال کریں- ڈرائیر شیٹس بھی بہت کم لوگ استعمال کرتے ہیں-
تاہم ایسے افراد کے لیے اون ڈرائیر بال مہنگا سودا نہیں ہے- |
|
|
سفید جوتے صاف
کرنے کے لیے ہائیڈروجن پیرو آکسائیڈ کا استعمال |
سفید رنگ کے جوتے سب سے زیادہ جلدی گندے ہوتے
ہیں- اور ہر جوتے کو واشنگ مشین میں دھویا بھی نہیں جاسکتا ہے- اگر آپ کے
ساتھ بھی ایسا ہے تو ان جوتوں کو چمکانے کے لیے ہائیڈروجن پروآکسائیڈ کا
سہارا لیں- کسی نرم برش کو ہائیڈروجن پروآکسائیڈ میں ڈبوئیے اور پھر اسے
اچھی طرح جوتوں پر رگڑیں جوتے بالکل نئے جیسے ہوجائیں گے- اگر آپ کے پاس
چمڑے کے جوتے ہیں تو آپ بیکنگ سوڈا استعمال کریں- |
|