نہ تو سر پر سفید بال نہ آنکھوں پر چشمہ پہچاننا مشکل، پاکستان کے سیاست دانوں کی جوانی کی ایسی تصاویر جو حیران کردیں

پاکستانی سیاست میں سب سے اہم بات یہ ہے کہ ہمارے ملک میں موروثی سیاست کا نظام رائج ہو گیا ہے۔ بات پیپلز پارٹی کی ہو یا پھر مسلم لیگ ن کی، ان کی قیادت نسل در نسل منتقل ہوتی نظر آتی ہے۔ یہاں بات صرف لیڈر شپ تک ہی محدود نہیں ہے بلکہ جماعت اسلامی کو چھوڑ کر دیگر مذہبی جماعتوں میں بھی اقتدار کا پرندہ یا قیادت کا تاج صرف بیٹے یا بیٹی کے سر پر ہی رکھا جاتا ہے- یہی وجہ ہے کہ یہ لوگ اپنے بچوں کی سیاسی تربیت ان کے بچپن ہی سے شروع کر دیتے ہیں- یہاں تک کہ جوانی کی حدود میں قدم رکھتے ہی ان کی سیاسی سرگرمیوں کا آغاز ہو جاتا ہے- ایسے ہی کچھ سیاست دانوں کی جوانی کی تصاویر ہم آپ کے ساتھ شئير کریں گے جنہوں نے سیاست کے میدان میں جوانی میں ہی قدم رکھ دیا تھا-

مخدوم شاہ محمود قریشی

مخدوم شاہ محمد قریشی جو کہ پاکستان تحریک انصاف میں شمولیت سے قبل بھی سیاست میں کافی سرگرم تھے- ان کے والد سجاد حسین قریشی گورنر پنجاب کے طور پر بھی کام کر چکے تھے- اس کے علاوہ شاہ محمود قریشی نے خود بھی سیاست میں قدم انتہائی کم عمری میں رکھ دیا تھا- اس کے علاوہ وہ مذہبی سلسلے مخدوم کے سجادہ نشین بھی ہیں- یہ تصویر ان کی 1987 کی تصویر ہے جب کہ وہ اپنے معتقدین کے ڈیرے پر ان سے ملنے کے لیے گئے تھے-

شیخ رشید اور نواز شریف آج کے دشمن کل کے دوست

شیخ رشید کا شمار پاکستان کے ان سیاست دانوں میں ہوتا ہے جو گزشتہ تیس چالیس سال سے ہمیشہ ہی سیاست کے آفتاب پر اپنی ایک سیٹ کے ساتھ چمکتے نظر آتے ہیں- صرف ایک سیٹ والی پارٹی ہونے کے باوجود ہمیشہ ان کو پاکستانی سیاست میں مرکزی حیثيت حاصل رہی- جس کی وجہ سے کبھی تو نواز شریف کے حمائتی نظر آئے تو کبھی پرویز مشرف کے ساتھی آج کل عمران خان کے ساتھ نظر آنے کی وجہ سے نواز شریف کے دشمن بنے نظر آتے ہیں- لیکن کبھی اسی نواز شریف کے چہرے کو محبت میں چوما بھی کرتے تھے-

نواز شریف بھی ایسے ہی تھے

معاملہ صرف شیخ رشید کی طرف ہی سے نہ تھا شیخ رشید کے بارے میں نواز شریف کے کیا خیالات تھے آپ اس تصویر میں خود دیکھ لیں-

جب ایک وزیر اعلیٰ اور دوسرا گورنر تھا

اس تصویر میں موجود کالی پگڑی والے شخص مخدوم سجاد قریشی ہیں جو کہ اس وقت کے گورنر پنجاب اور شاہ محمود قریشی کے والد تھے- ان کے ساتھ بطور وزیر اعلیٰ نواز شریف بھی کھڑے نظر آرہے ہیں-

کرکٹ کے دور کے عمران خان

آج ہر تصویر میں سب سے آگے نظر آنے والے عمران خان کو اس تصویر میں تلاش کر کے بتائيں تو مانیں-

پاکستان کے موجود وزیراعظم شہباز شریف

پاکستان کے موجود وزیر اعظم شہباز شریف 1984 میں کیسے دکھتے تھے آپ خود دیکھ لیں-

ان تصاویر کو دیکھ کر ایسا محسوس ہوتا ہے کہ سیاست ایک ایسا گورکھ دھندہ ہے جس میں کل کے دوست آج کے جانی دشمن نظر آتے ہیں اور کچھ کہہ نہیں سکتے ہیں کہ ہو سکتا ہے کہ آنے والے وقت میں یہ ایک بار پھر ایک دوسرے کے دوست بن جائیں -

< Previous میں یہاں آیا ہی کیوں٬ چند ہوٹل جو آپ کی چھٹیوں کو بھیانک خواب میں بدل کر رکھ دیں NEXT > چاند سے متعلق لیکڈ ویڈیو کی اصل حقیقت پر مفتی اعظم کا بیان اور کشمیر تنازع