"Siyasat Ik Shatranj Hay
Jis Main
Mulk Badshah, Awam Malika,
Siyasi Karkun Piyaday Or Ghoray,
Or Siyasatdan Khiladi Hain"
Quaid-E-Azam Siyasat Ki Shatranj K Aisay Namwar Khiladi Sabit Howay K Jinhoon
Nay Karkunoon Ki Madad Say Aisi Chalain Chali K Duniya Ka Naqsha Hi Badal Diya.
Awam Ko Tahafuz Daytay Howay Iqbal K Khuwab Ki Tabeer Ki Or 1 Mulk Diya Jis K
Siyasatdanon Nay Aj Pakistan Or Awam Ko Hi Agay Rahkkha Howa Hay. Quaid-E-Azam
Nay Duniya Ka Naqsha Badal Dia Hamaray Siyasatdaan Pakistan Ka Naqsha Badla
Rahay Hain. Bijli Ka Buhran, Attay Ka Buhran, Bhook Piays, Gurbat, Mehngai Or Na
Janay Kia Kia Pakistan Ki Kismat Banta Ja Raha Hay.
Hamari Siyasat Ka To Nizam Hi Anokha Hay. Hakomat Main Atay Hain To Ankhoon Par
America K Naam Ki Patti Bandh Jati Hay Kanoon Pe Aisa Head Phone Charh Jata Hay
Jis Say Sirf America K Sadar Ki Awaz Sunai Dayti Hay. Or Jab Oposition Main Atay
Hain To Ankhain B Khul Jati Hian Or Kaan B. Awam Ki Awaz B Sunay Lagti Hay Or
Gum B Dikhai Daynay Lagtay Hain. Aik Baat Ki Samjh Nahi Ati K Oposition Say Lay
Kar Hakomat Tak Ka Ye Kaisa Safer Hay K Log Hakomat Tak Pohonchtay Pohonchtay
Andhay Or Behray Ho Jatay Hain. Hakomat Or Opositon Walay Sab Jamhoriyat Ka Rona
Rotay Hain. Pehlay In Say Pocho K Jamhoriyat Hay Kia...
" Jamhoriyat Aik Aisa Nizam Hay Jis Main
Ager Faqeer Ya Koi Nabalig Bacha B A Kar
Hakomat Say Sawal Karay To Hakomat
Jawabdeh Hay"
Ya
" Jamhoriyat Aik Adalat Hay Jis K
Katehray Main Sadar Khara Hay Or
Juge Ki Kursi Pe Awam Hay"
Jamhoriyat Aik Nara Hay. Jamhoriyat-----Koi To Samnay Aye.
Or Hamaray Yahan Koi Samnay Ata Hay To Usay Daraya Dhmkaya Jata Hay Ager Na
Manay To Goli Mar Kar Qissa Khatam. Kahan Ki Inquiry Kahan Ki Chan Been. Aisay
Hi Or Isi Liye Mazi Main Kai Sahafiyon Or Siyasatdanon Ko Tashadud Ka Nishana
Banaya Giya Or Kai Apni Jaan Say Hath Dho Baithay. Media Hakomat Ki Duhkti Rag
Hay. Or Jab Ye Rag Ziyada Tang Karti Hay To Is Pe Pabandi Laganay Ka Order A
Jata Hay. Or Wohi Log Ye Pabandi Lagtay Hain Jo Media Par A K Ye Baat Kartay
Hain K Media Bohot Acha Kirdar Ada Kar Raha Hay. Aisa Is Liye Hota Hay K Jab
Khud Pe Ungli Uthti Hay To Sahi Nahi Jati.
Media Ptv Ki Shakal Main Aik Nanha Sa Pauda Tha Jo Ab Baki Sab Channels K Sath
Geo Ki Shakal Main Aik Tanawar Darahkhat Hay. Jis Ko Hakomat Ki Taez Hawain
Apnay Thapayroon Say Girana Chahati Hay . Jo Ab Namumkin Hay Kiyon K Media Ki
Jan Awam Hay.
"Media Aik Ghora Hay Jis Ko Ager Apni
Taqat Ka Andaza Ho Jae To Duniya Badal Jae"
Hamari Hakomat Media Ko Ik Nanha Sa Bacha Samjh K Dara Dhmka K Moun Pe Ungli
Rahkwa K Bithana Chati Hay. Par Wo Chota Sa Media Ab Mr.Media Ban Chuka Hay. Aik
Aisa Shakas Jis K Moun Mian Awam Ki Zuban Hay Jo Awam Ki Awaz Sunta Hay. Or Awam
Tak Hakomat K Haqaiq Pohchanay Ki Koshish Karta Hay. Main Dad Doun Gi Geo K Aik
Program "Hum Sab Umeed Say Hian" Ko Or Is K Writer Dr Younis Butt Ko Jinhoon Nay
Mizah Baray Tanqeed Ka Rasta Iktiyar Kia Or Logoon Ko Haqeqat Say Agah Kar Rahay
Hain. Awam Haqeqat Janay K Liye Program Dayhktay Hain Or Hakomat Mizah K Liye.
Mager Hakomat Ki Ankhon Per To Baysharmi Or Dhitai Ki Patti Bandhi Hay. Apnay
Ayeb Chupanay K Liye Media Pe Pabandi Lagatay Hian Or America Say Dartay
Hain..Main Kisi Aik Hakomat Ki Baat Nahi Kar Rahi. Un Sab Ki Baat Kar Rahi Hun
Jo Hakomat Main Atay Rahay Hain Or Aik Hi Policy Par Amal Kartay Rahay Hain K
"Amrica Say Daro"
Hamari Hakomat Ko Dar Hay K Ager Hum America K Khilaf Kaharay Howay To Hamara
Nasha Kon Pura Karay Ga. Hamray Siyasat Danoon Ka Nasha Dolat Hay Jo America
Imdad Ki Shkal Main Pura Karta Hay. Is Nashay Main Sab Ka Zameer So Giya Hay Or
Ager Kisi Ka Zameer Jagnay B Lagta Hay To America Kehta Hay
"Ye Lo Paisay Beta Chijji Kha Layna"
" Jab Tak America K Baytay Pakistan K
Baap Ban Kar Hakomat Kartay Rahay Tab
Tak Pakistan Taraqi Nahi Kar Sakta"
Hakomat Main Anay Say Pehlay Jamhoriyat Ka Matlab Khudmuhktari, Izhar-E-Rai Ki
Azadi Hay Or Jab Hakomat Main Atay Hain Or Koi Sawal Kar Baithay K Ye Kaisi
Jamhoriyat Hay To Kehtay Hain K Haan Aisi Hi Jamhoriyat Hay Par Tu Apna Moun
Band Rahk.
Pakistan Bohot Arsay Say In Sab Jhotay Siyasatdanon Ko Bardasht Kar Raha Hay Or
Ab Tot Raha Hay.
Khudara Sudhar Jao!
Hakomat Say Pehlay Awam Sab Khuch, Hakomat K Baad America Deen Iman. Ye Kaisa
Insaf Hay Ye Kaisay Musalman Hain. Ye Kia Ho Raha Hay. Hakomat Jo B Ho Pakistan
Kal B Manjdhar Main Tha Or Aj B Hay.
Meri Dua Hay K ALLAH Hamaray Siyasatdanon Ko Aqal Or Hiya, Say Nawazay. Inki
Gairat Ko Jagaye Inhain Hidayat Day Or Rah-E-Rast Pe Laye Ameen...
(Thnx 4 Reading. Bella!)