Meray Humwatno
Aj Kal Jab Mein Facebook Ya Deegar Websites Open Krti Hun To Bohat Se Log Aik
Doosray Se Talkh Kalami Se Paish Atay Hain. Partion Ki Bunyaad Pr Aik Doosray Ko
Galian Detay Hain Or Is Baat Ka Saboot Daitay Hain Ke Hum Pakistanion Mein
Itehaad Naam Ki Koi Cheez Nahi Hai.
Theek Hai Elections Mein Har Koi Apni Party Ki Hamayat Krta Hai, Lekin Braye
Mehrbaani Mukhalfat Ke Liye Ghalat Ilfaz Mat Istemaal Krein. Ap Ne Jis Ko Vote
Dena Hai Dain Lekin Mukhalif Party Ke Baray Mein Koi Ultay Seedhay Ilfaz Mat
Bolain. Hum Sab Aik Hain. To Phir Elections Ke Moqay Pr Hum Bikhr Q Jatay Hain??
Meri Ap Sab Se Guzarish Hai Ke Elections Tak Koi Aesi Waisy Baat Mat Krien Ke
Ghair Mulki Hamain Dekh Kr Hansain.