Mulk Ki Mojuda Surat E Hal Har
Pakistani Ke Liye Tashwish Ka Bais He . Nawaz Sharif Se Mujhe Na Koi Zati Adawat
He Na Imran Se Koi Zati Lagawat . Agar Nawaz Sharif Hakumat Main Ane Se Pehle
Kiye Gae Wado Pe Kuch Pura Utarte Aur Logo Ki Khush Hali Ke Liye Kuch Karte To
Aj Ye Nahi Ho Raha Hota .
Mulk Ki Luti Hui Dolat Wapis Lane Ka Keh Kar Aur Jinho Ne Mulk Ko Luta Un Ko
Pakarne Ka Keh Kar Hakumat Main Ane Ke Bad Is Bat Ka Koi Zikar Hi Nahi . Ye
Doghla Pan Mian Sahib Jaise Sharif Admi Ke Liye Munasib Nahi Tha . Phir Am
Ghatya Siasatdano Main Aur In Main Farq Hi Kia Bacha .
Ye Awam Ko Badguman Karne Ke Siwa Kuch Nahi Ke Imran Aur Qadri Beruni Taqat Ke
Liye Kam Kar Rahe Hain . Log Boht Tang A Chuke Hain Is Bat Ko Realize Karna
Chaiye . Kis Terah Tuti Phuti Gandi Sarkain . Aur Ghurbat Se Logo Ka Bura Hal .
In Logo Ki Halat Daikh Kar Sangdil Se Sangdil Admi Ko Bhi Reham A Jae .
Mehngai Aisi Ke Tokyo Jesi Shehar Aisa Ke Is Se Badtar Dunya Main Kahin Nahi .Hukmrano
Ne Sara Europe Aur Malesya Indonesiya Singapore Sab Daikha Hua He Yahan Tokyo
Bhi Hukmran A Chuke Hain Main Sochta Hon Ke Kia Inhain Sharmindagi Aur Ndamat
Mehsus Nahi Hoti . Dusre Mulko Ke Wazir Safir Shandar Saf Suthre Shahro Ke Malik
In Ko Apne Hammansabo Ke Sath Khare Hote Kia Subki Nahi Hoti . Agar Nahi Hoti To
Siwae Begherati Ke Aur Kuch Nahi Kaha Ja Sakta . Agar Hoti To Apne Mulk Ki Halat
Behtar Karte .
Ab Dunya Global Village Ban Gai He . Agar Kisi Gaon Ya Mohle Main Maira Ghar Ho
As Pas Ke Ghar Ache Khubsurat Aur Shandar Hon To Main Bari Khifat Mehsus Karon
Ga Aur In Sab Logo Main Milte Hue Apne Ap Ko Kamtar Samjhon Ga Aur Jald Se Jald
Apni Halat Ko Apne Ghar Ko Acha Karne Ki Koshish Karon Ga . Humare Mulk Pe Jo
Hakim Bane Kia Who Bilkul Hi Be Zamir The . Mulk Ki Khasta Aur Ujar Shakal To Is
Hi Bat Ki Ghamaz Lagti He Ke In Ke Ehsas Main Ye Bat Dakhil Hi Nahi Ho Saki Ke
Hum Ko Kis Ghatya Nazar Se Dusre Log Daikh Rahe Hain. Kisi Ba Zamir Aur
Ghairatmand Admi Ka Primeminister Banna Boht Zaruri He .A