دنیا کے سب سے صاف ستھرے شہر

اس مشہور حدیث سے کون واقف نہیں کہ “ صفائی نصف ایمان ہے “- بے شک یہ سچ ہے کہ جس مقام پر آپ رہائش پذیر ہوں اگر وہ صاف ستھری ہو تو آپ خود کو اندرونی طور پر پرامن اور مستحکم محسوس کرتے ہیں- یہ صفائی ہی کسی شہر یا ملک کی نشو و نما٬ ترقی اور حقیقی استحکام کی ضامن ہوتی ہے اور ساتھ ہی اعلیٰ تہذیب کی علامت بھی- یہاں ہم دنیا کے چند ایسے شہروں کا ذکر کر رہے ہیں جنہیں دنیا کے انتہائی صاف ستھرے شہر ہونے کا اعزاز حاصل ہے- اور یہ شہر اپنی اسی خاصیت کے باعث مسلسل ترقی بھی کررہے ہیں-
 

Oslo, Norway
اوسلو کا شمار ناروے کے بڑے شہروں میں کیا جاتا ہے اور یہ ناروے کا دارالحکومت بھی ہے- شپنگ٬ بینکنگ٬ تجارت اور دوسرے صنعتی اداروں کے حوالے سے اوسلو ایک مرکزی حیثیت کا حامل ہے- ناروے میں ٹرانسپورٹ کا نظام انتہائی وسیع پیمانے پر ہے- لیکن اس کے باوجود اس شہر کی آب و ہوا انتہائی اعلیٰ ہے٬ خاص طور پر موسم گرما میں- یہ شہر اپنے متعدد آبشاروں اور پہاڑوں کی وجہ سے بھی کافی مقبول ہے- اسے دنیا کے محفوظ ترین مقامات میں سے ایک سمجھا جاتا ہے-

Kobe, Japan
اگر ہم شہری طرزِ زندگی کی بات کریں تو جاپان کا شہر Kobe اس کی ایک بہترین مثال ہے- اس کی ایک بڑی وجہ یہاں مسلسل آنے والے سیاح ہیں جو یہاں موجود دوسری قوموں سے انتہائی متاثر ہوتے ہیں- دیگر بہترین چیزوں کے ساتھ ساتھ اس شہر کا صفائی کا جدید نظام اسے دوسرے شہروں سے منفرد بناتا ہے- نکاسی آب اور گند کے اخراج کے لیے باقاعدہ الگ سے راستہ بنایا گیا ہے- اور اس وقت صفائی کا نظام ہی کئی ممالک کا سب سے بڑا مسئلہ بھی ہے- یہ جاپان کا 6واں بڑا شہر ہے-

Copenhagen, Denmark
اس شہر کو یورپ کے سب سے صاف ستھرے شہر ہونے کا اعزاز حاصل ہے- اس شہر کو یہ اعزاز مختلف یورپی ممالک میں سفر کرنے والے مسافروں اور سیاحوں سے سروے کرنے کے بعد حاصل ہوا- یہ دنیا کا سب سے سرسبز مقام بھی ہے- ڈنمارک کا یہ شہر پیدل اور موٹر سائیکل پر سفر کرنے والوں کا٬ اپنے سرسبز نظاروں کے باعث دوست سمجھا جاتا ہے- درحقیقت اس شہر میں جو گند اور ردی اکٹھی ہوتی ہے اسے توانائی میں تبدیل کر دیا جاتا ہے-

Adelaide, Australia
یہ آسٹریلیا کے سب سے زیادہ آبادی والے اور اہم شہروں میں سے ایک ہے- اس شہر کو دنیا کے صاف شہروں کی فہرست میں شامل ہونے کا اعزاز مسافروں کی آراﺀ اور تبصروں کے بعد ملا- ان مسافروں کا کہنا تھا کہ یہ ایک انتہائی صاف ستھرا اور بہترین ماحول کا حامل شہر ہے- اس کے علاوہ اس شہر کو آسٹریلیا کا سب سے سستا ترین شہر بھی سمجھا جاتا ہے جہاں آپ اکیلے بھی رہائش اختیار کر سکتے ہیں-

Minneapolis, United States
یہ صرف دنیا کا صاف ستھرا شہر ہی نہیں بلکہ امریکہ دوسرا سب سے صاف اور اسمارٹ شہر بھی ہے- اس شہر کو حاصل ہونے والے ان اعزازات کا باعث اس شہر کا مفت میں الیکٹرانک فضلہ قبول کرنا ہے جبکہ یہ خاصیت کسی اور شہر میں موجود نہیں ہے- سفر اور تفریح کے لحاظ سے بھی یہ ایک بہترین شہر سمجھا جاتا ہے-

Wellington, New Zealand
اس شہر کو نیوزی لینڈ کا سب سے صاف اور سرسبز شہر تسلیم کیا جاتا ہے- صاف ستھرے شہروں کی اس فہرست میں اس کو شمار کیے جانے کی بنیادی وجوہات یہاں کا اعلیٰ طرز زندگی٬ کھلے مقامات٬ اور یہاں کا ری سائیکلنگ پروسیس ہے- اور یہ ری سائیکلنگ پروسیس ہی اس شہر کے ماحول کو آلودہ ہونے سے بچاتا ہے-

Helsinki, Finland
فن لینڈ کا شہر Helsinki انتہائی دلچسپ خوبیوں کا مالک شہر سمجھا جاتا ہے- اس شہر میں صاف ستھرے ٹوائلٹ کی سہولیات٬ ڈپارٹمنٹ اسٹور٬ خریداری کے مراکز اور دیگر بہترین مقامات بھی موجود ہیں- یہاں کا ٹرانسپورٹ کا نظام انتہائی صاف اور شفاف ہے٬ چاہے آپ کسی دوسرے درجے کی ٹرین میں ہی سفر کیوں نہ کر رہے ہوں-

Ottawa, Canada
اگر آپ معیاری ماحول چاہتے ہیں تو کینیڈا کے شہر اوٹاوا کا دورہ کریں- اس کا شمار دنیا کے بہترین٬ آرام دہ اور پرسکون شہروں میں کیا جاتا ہے- یہ مقام قدرتی پاکیزگی کی حامل آب و ہوا رکھتا ہے- اس شہر کو کینیڈا کا دارالحکومت ہونے کا اعزاز بھی حاصل ہے- یہ شہر گھنے جنگلات٬ خوبصورت جھیلوں اور رنگ برنگے باغوں سے گھرا ہوا ہے-

Honolulu, Hawaii
امریکی ریاست ہوائی کا یہ شہر انتہائی صاف ستھری آب و ہوا کا حامل شہر ہے اور اسی اعلیٰ خاصیت کی وجہ سے ہی اسے اس فہرست میں شامل بھی کیا گیا ہے- اس شہر کو اوزون یا smog کی درجہ بندی میں اے گریڈ حاصل ہے- لوگوں کے مشاہدے کے دوران یہ بات بھی سامنے آئی کہ یہاں کے باشندے کلین ائیر پر عمل پیرا ہیں اور اس ایکٹ کو ان کی حمایت حاصل ہے-