انٹرنیشنل مانیٹری فنڈ نے پاکستان میں مہنگائی میں اضافے کی پیشگوئی کرتے ہوئے کہا ہے کہ رواں مالی سال مہنگائی کی شرح 4.5 فیصد سے بڑھ کر 6.3 فیصد تک جا سکتی ہے جبکہ جون 2026 تک یہ شرح 8.9 فیصد تک پہنچنے کا امکان ہے۔ جون 2025 میں مہنگائی کی شرح 3.2 فیصد تھی۔
آئی ایم ایف نے پاکستان کی گزشتہ دو سال کی معاشی کارکردگی اور رواں مالی سال کی پروجیکشنز بھی جاری کی ہیں۔ رپورٹ میں کہا گیا ہے کہ رواں مالی سال معیشت کی ترقی کی شرح 3.2 فیصد تک پہنچ سکتی ہے جبکہ بیروزگاری کی شرح 8 فیصد سے کم ہو کر 7.5 فیصد تک جا سکتی ہے۔
مالی سال 2026 میں ٹیکسوں کا حصہ معیشت کا 16.3 فیصد ہونے کی توقع ہے جبکہ مالیاتی خسارہ 4 فیصد تک جا سکتا ہے۔ معیشت پر قرضوں کا بوجھ 69.6 فیصد تک بڑھنے کا امکان ہے، جس میں غیر ملکی قرضے 22.5 فیصد ہوں گے۔
آئی ایم ایف نے کہا کہ مالی سال 2026 میں سرمایہ کاری معیشت کا 0.5 فیصد ہو سکتی ہے اور زرمبادلہ ذخائر 17.8 ارب ڈالر تک پہنچ سکتے ہیں جو گزشتہ سال 14.5 ارب ڈالر تھے۔