محمد عرفان پی سی بی اینٹی کرپشن یونٹ کی کڑی نگرانی میں

17 Feb, 2017 اب تک
محمد عرفان پی سی بی اینٹی کرپشن یونٹ کی کڑی نگرانی میںفاسٹ بالرمحمد عرفان کے گرد بدستور بورڈ کا گھیرا تنگ ہے وہ اب تک شک کے دائرے سے نہیں نکل سکے۔ عرفان پر اینٹی کرپشن یونٹ کی کڑی نگرانی قائم ہے۔پاکستان کرکٹ بورڈ سٹے بازوں کے خاتمے کیلئے پرعزم ہے اسی لئے فاسٹ بالرمحمد عرفان اب تک شک کے دائرے سے نہیں نکل سکے ہیں۔ وہ اپنی فرنچائز سے کھیلنے کے باوجود اینٹی کرپشن یونٹ کی کڑی نگرانی میں ہیں۔ پی ایس ایل میچ کھیلنے کے باوجود ان کے موبائل فون استعمال کرنے پرپابندی عائد ہے۔ وہ یواے ای سے کسی ساتھی کے موبائل پربھی اپنے گھروالوں سے بھی رابطہ نہیں کرسکتے ہیں۔ذرائع کے مطابق طویل قامت فاسٹ بالراینٹی کرپشن یونٹ کے ریڈار پرہیں جس کی وجہ یہ ہے کہ بکیز نے انہیں پانچ مرتبہ کرپشن کی پیش کش کی لیکن محمدعرفان نے پی سی بی کو اس سے آگاہ نہیں کیا۔ قوانین کے مطابق آفرکی رپورٹ نہ کرنا بھی سنگین جرم ہے۔ باوثوق ذرائع کے مطابق محمد عرفان کو آفربکی یوسف نے کی تھی جن کے کئی کرکٹرزسے دوستانہ مراسم ہیں اور وہ کئی ماہ سے پاکستانی کرکٹرز کے رابطے میں ہیں لیکن انہیں آئی سی سی اینٹی کرپشن یونٹ کی نگرانی کاعلم نہیں تھا۔
 

Watch Live News

 مزید خبریں 
« مزید خبریں
Post Your Comments
Select Language: