فیس بک لوگوں کی زیادہ ذاتی پوسٹس کی خواہشمند

13 Feb, 2018 ڈان نیوز
فیس بک کی خواہش ہے کہ آپ وائرل ویڈیوز اور خبری مضامین کی بجائے اپنے بارے میں اس سماجی رابطے کی ویب سائٹ پر زیادہ شیئر کریں اور اس کے لیے کمپنی نے اپنا نیا ہتھیار لسٹس متعارف کرا دیا ہے۔اس فیچر کا مقصد لوگوں کے اندر ذاتی پوسٹس کی حوصلہ افزائی کرنا ہے۔اس فیچر میں صارفین فہرستیں بناسکیں گے اور اس کا مقصد دوستوں کے درمیان بات چیت یا مشورے وغیرہ کو فروغ دینا ہے۔مزید پڑھیں : فیس بک ’نیوز فیڈ‘ میں تبدیلی سے کیا کچھ تبدیل ہوگا؟مثال کے طور پر آپ اپنی پسند کے مقامات کو نمبر یا بلٹ لسٹ کے ساتھ پوسٹ کرکے دوستوں کے ری ایکشنز اور مشوروں کی توقع کرسکتے ہیں۔یا کسی فلم سیریز کی مختلف فلموں کی درجہ بندی کرسکتے ہیں تاکہ گرما گرم بحث شروع ہوسکے۔یہ بھی پڑھیں : فیس بک کے اس خفیہ نیوزفیڈ کو استعمال کیا؟ اس فہرست میں رنگوں اور ایموجیز کا اضافہ کرکے اسے زیادہ رنگین بناسکتے ہیں۔یہ اقدام اس وقت سامنے آیا ہے جب فیس بک کی جانب سے نیوزفیڈ میں نمایاں تبدیلیاں کی جارہی ہیں۔گزشتہ ماہ فیس بک نے اعلان کیا تھا کہ اب خبروں کو عام صارفین کی نیوزفیڈ پر ترجیح نہیں دی جائے گی بلکہ دوستوں اور گھروالوں کی پوسٹس زیادہ نمایاں ہوں گی۔اس کے بعد کمپنی نے کہا کہ خبروں کی درجہ بندی صارفین کی جانب سے انہیں قابل اعتبار قرار دینے پر کی جائے گی۔اسی طرح فیس بک نے مقامی خبروں کو قومی یا بین الاقوامی خبروں پر ترجیح دینے کا اعلان بھی کیا۔ Email
 

Watch Live News

 مزید خبریں 
« مزید خبریں
Post Your Comments
Select Language: