جنید خان کا ’کڑوا سچ‘ اور پاکستان کا ورلڈ کپ سکواڈ

21 May, 2019 بی بی سی اردو
پاکستانی فاسٹ بولر جنید خان نے ورلڈ کپ کے حتمی سکواڈ سے باہر کیے جانے پر اپنا موقف دینے کے لیے ٹوئٹر پر اپنی تصویر کا سہارا کیا لیا پاکستانی سوشل میڈیا پر ہلچل مچ گئی۔

پاکستانی کرکٹ بورڈ کی سلیکشن کمیٹی نے پیر کو انگلینڈ اور ویلز میں 30 مئی سے شروع ہونے والے کرکٹ ورلڈ کپ کے لیے 15 رکنی قومی کرکٹ سکواڈ کا اعلان کیا۔

اس سکواڈ میں سے ایسے تین نام غائب تھے جنھیں تقریباً ایک ماہ قبل ابتدائی سکواڈ میں شامل کیا گیا تھا اور ان میں سے ایک نام فاسٹ بولر جنید خان کا بھی تھا۔

یہ بھی پڑھیے!

عامر، وہاب اور آصف علی کی ورلڈ کپ سکواڈ میں واپسی

انگلینڈ نے پاکستان کو سیریز میں وائٹ واش کر دیا

’میرا تو خیال تھا کہ بولنگ پاکستان کی طاقت ہے‘

وہ جنید خان کہاں رہ گئے؟

چیف سلیکٹر انضمام الحق نے اپنی پریس کانفرنس میں جنید کی جگہ لینے والے محمد عامر کی شمولیت پر تو بات کی لیکن جنید خان کے سکواڈ سے اخراج کی وجہ نہیں بتائی۔

اس پریس کانفرنس کے بعد جہاں سوشل میڈیا پر ان تبدیلیوں پر بات شروع ہوئی وہیں چند گھنٹے بعد جنید خان کی جانب سے ٹوئٹر پر شائع کی جانے والی ایک تصویر نے اس معاملے کو مزید گرما دیا۔

اس تصویر میں جنید خان کا منھ سیاہ ٹیپ سے بند تھا اور ساتھ ہی اپنے پیغام میں انھوں نے کہا کہ ’میں اس فیصلے پر کچھ بولنا نہیں چاہتا کیونکہ سچ کڑوا ہوتا ہے۔‘

کچھ دیر بعد جنید نے اپنی وہ ٹویٹ تو اپنی پروفائل سے ہٹا دی مگر اس وقت تک جہاں پاکستانی کرکٹ کے شائقین میں جہاں یہ بحث شروع ہو چکی تھی کہ آیا جنید خان کا سکواڈ سے اخراج درست تھا یا نہیں وہیں یہ بات بھی کی جانے لگی کہ اس اقدام کے جنید خان کو برے نتائج بھی بھگتنا پڑ سکتے ہیں۔

ایک ٹوئٹر صارف مہتاب نے ان کی حالیہ بولنگ کارکردگی کو موضوع بحث بناتے ہوئے ان کے احتجاج پر طنزیہ ٹویٹ کی جس میں انھوں نے کہا کہ ایشیا کپ کے بعد سے ان کی بولنگ اوسط بہت مایوس کن رہی ہے اور وہ اب بھی ٹیم کا حصہ ہیں۔

https://twitter.com/UserNotAviIable/status/1130480740544786433

جبکہ ان کے حق میں ٹویٹ کرتے ہوئے ٹوئٹر صارف احتشام کا کہنا تھا کہ انھیں ٹیم میں واپس لایا جائے۔

https://twitter.com/iihtishamm/status/1130489914217385984

اسی طرح ایک اور ٹویٹ میں کہا گیا کہ جنید خان وہ واحد پاکستانی کھلاڑی ہیں جنھیں تین ورلڈ کپ سکواڈز میں شامل کیا گیا مگر وہ ایک بھی میچ نہیں کھیل سکے۔

https://twitter.com/Nomancricket29/status/1130422708297244672

ایک اور ٹوئٹر صارف نے اپنی ٹویٹ میں جنید خان کی بولنگ اوسط کا موازنہ فاسٹ بولر وہاب ریاض سے کرتے ہوئے لکھا کہ انھوں نے انگلینڈ میں نو میچ کھیل کر 36.2 کی اوسط سے 11 وکٹیں حاصل کی ہیں جبکہ وہاب ریاض نے 96.25 کی اوسط سے سات میچ کھیل کر صرف چار وکٹیں حاصل کی۔

https://twitter.com/nomikings/status/1129846402459348998

مہک شاھد نامی ٹوئٹر صارف نے ان کے حق میں ٹویٹ کرتے ہوئے لکھا کہ انھیں ٹیم سے ورلڈ کپ سکواڈ سے باہر نکال دیا گیا کیونکہ ان کے پاس کوئی پرچی نہیں ہے۔

https://twitter.com/iMehakShahid/status/1130506098463653888

ایک ٹوئٹر صارف باسط نے جنید خان کے طریقہ احتجاج کو تنقید کا نشانہ بناتے ہوئے اپنا ردعمل دیا کہ ان کی جانب اپنا دکھ یا دفاع پیش کرنے کا یہ غیر پیشہ وارانہ اور نامناسب طریقہ ہے تاہم ایک میچ میں خراب کارکردگی کے باعث ٹیم میں شامل نہ کرنا بھی قابل شرم ہے۔

https://twitter.com/Basit35176595/status/1130542726758436864

ٹو رینڈم نامی صارف کو بھی کرکٹر جنید خان کا احتجاج پسند نہیں آیا اور انھوں نے اس پر اپنا ردعمل دیتے ہوئے کہا کہ میں تو انھیں نہایت مہذب سمجھتی تھی لیکن آج میں ان کے اس رویے سے مایوس ہوئی ہوں۔

https://twitter.com/Too_Randum/status/1130488295882973185

حفیظ احمد نامی صارف نے جہاں ان کے ورلڈ کپ سکواڈ سے باہر ہونے پر افسوس کا اظہار کیا وہی یہ بھی کہا کہ ان کو انگلینڈ کے خلاف سیریز میں موقع دیا گیا اور توقعات بھی رکھی گئیں مگر وہ اچھی پرفارمنس دینے میں ناکام رہے۔

https://twitter.com/AhmadAbuEhan/status/1130561374826958848


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels
 
« مزید خبریں