Mujhe Baksh De Jo Khata Karun

Jo Milay Hayat-E-Khizar Mujhe
Or Usay Main Sarf-E-Sana Karoon

Tera Shukar Phir Bhi Adaa Na Ho
Tera Shukar Kese Adaa Karoon

Tere Lutf Ki Koi Had Nahi
Ginoon Kis Tarha K Aadad Nahi

Nahi Koi Tere Siwa Mera
Kisay Yaad Tere Siwa Karoon

Main Bohat He Aajiz-O-Be Nawa
Tere Aagay Meri Bisat Kya

Main Kaha Karoon Tu Suna Kare
Tu Diya Kare Main Liya Karoon

Terey Dar Pe Kham Rahe Sir Mera
Teri Rehmaton Se Guzar Mera

Koi Bhool Ho Tum Muaf Kar
Mujhe Baksh De Jo Khata Karun
(AMEEN)