Mere Baad Ishq

Haan Mere Baad Kisi Se Ishq Kiya To Hoga
Koi Mujh Jaisa Nahi Magar Koi Tumko Mila To Hoga

Main Sada Tumko Chahati Hoon Aur Chahoongi
Ye Jhoont Tumne Kai Baar Kaha To Hoga

Apne Haathon Pe Wo Mehndi K Shokh Rango Se
Mita K Naam Mera Kisi Ka Naam Likha To Hoga

Mere Ashkon Pe Zara Reham Kha K Batlao
Koi Baad Mere Teri Bahoon Mai Raha To Hoga

Shor Karti Hui Dhadkan Ki Kasam Hai Sach Kehna
Meri Barbaadi Ka Kissa Kahin Suna To Hoga

Bohat Masoom Ho Kai Log Mar Gaye Honge
Jab Tumne Hont Hilaye Honge Kuch Kaha To Hoga

Taras Kha Jaana Tumhaari Fitrat Mai Kahan
Phir Bhi Meri Judaai Se Dil Tera Dukha To Hoga

Jahan Hum Aakhri Martaba Ek Dusrey Se Mile They
Mujhe Yakeen Hai Tu Uss Jagha Pe Gaya To Hoga

Yakeen Aata Nahi Phir Bhi Sochta Hoon "Shams"
Karke Ruswa Mujhe Dil Tera Jala To Hoga