تصوف

يہ حکمت ملکوتی، يہ علم لاہوتی
حرم کے درد کا درماں نہيں تو کچھ بھی نہيں

يہ ذکر نيم شبی ، يہ مراقبے ، يہ سرور
تیری خودی کے نگہباں نہيں تو کچھ بھی نہيں

يہ عقل، جو مہ و پرويں کا کھيلتی ہے شکار
شريک شورش پنہاں نہيں تو کچھ بھی نہيں

خرد نے کہہ بھي ديا 'لاالہ' تو کيا حاصل
دل و نگاہ مسلماں نہيں تو کچھ بھی نہيں

عجب نہيں کہ پريشاں ہے گفتگو ميري
فروغ صبح پريشاں نہيں تو کچھ بھی نہيں

رياض منزل (دولت کدہ سرراس مسعود) بھوپال ميں لکھے گئے