اکثر چاول پکاتے ہوئے پانی زیادہ ہوجاتا ہے جس کی وجہ سے سادے چاول یہاں تک بریانی اور پلاؤ تک کھانے کے قابل نہیں رہتے۔ یوں پکانے والے کی ساری محنت ضائع ہوجاتی ہے۔ اس لئے آج ہم اس مشکل سے نمٹنے کا ایسا طریقہ لائے ہیں جس سے منٹوں میں آپ کے چاول خشک اور کھلے کھلے ہوجائیں گے۔
چاول پکنے کے بعد گیلے رہ جائیں تو فکر مت کریں بلکہ ڈبل روٹی کا ایک سلائس چاول کی دیگچی میں رکھ دیں۔ چاول کو 2 سے 3 منٹ تک دھیمی آنچ پر مزید پکائیں۔ ڈبل روٹی ساسی نمی سوکھ لے گی اور چاول ٹھیک ہوجائیں گے۔
پکنے کے بعد گیلے چاولوں کو ٹھیک کرنے کا ایک طریقہ یہ بھی ہے کہ انھیں ایک پلیٹ میں پھیلا کر رکھ دیں اور آدھے گھنٹے ریفریجریٹر میں رکھ دیں۔
پکے ہوئے چاولوں کو اوون کی ٹرے میں بیکنگ پیپر پر پھیلا کر نکالیں اور 180 ڈکری درجہ حرارت پر 5 منٹ تک پکائیں۔ سارا پانی سوکھ جائے گا۔ اگر زیادہ گیلے نہیں تو دورانیہ کم کیا جاسکتا ہے۔
اگر یخنی پلاؤ یا بریانی پکاتے ہوئے پانی زیادہ ہونے کا احساس ہوجائے تو اسی وقت پانی نکال کر الگ رکھ دیں۔ پکاتے ہوئے پانی کم ہوجائے تو حسبِ ضرورت دوبارہ استعمال کرلیں ورنہ یہ پانی کسی اور وقت کام آجائے گا۔