جن گھروں میں بچے ہوں وہاں دیواریں سلامت نہیں رہتیں. کیونکہ جو بھی کلر پینسل یا کریون بچوں کے ہاتھ میں آتا ہے اس سے اچھی بھلی دیواروں پر نقش و نگار بنانا ضروری ہوجاتا ہے اور جب اس دیوار کو صاف کیا جائے تو پینٹ اکھڑنے لگتا ہے. تو آخر ایسا کیا کریں کہ دیواریں صاف بھی ہوجائیں اور مہنگا پینٹ بھی خراب نہ ہو؟ آئیے جانتے ہیں
بنانے کا طریقہ
اس کے لیے ایک پیالے میں ایک چمچ شیمپو لیں اور اس میں کپڑوں کو سفید کرنے والا بلیچنگ پاؤڈر صرف ایک چٹکی ڈال کر مکس کریں. اس میں تھوڑا پانی بھی شامل کر کے پیسٹ بنا لیں.
کیسے استعمال کریں؟
دیوار صاف کرنے کے لیے اسفنج کو اس محلول میں ڈبو کر دیوار کو ایسے صاف کریں جیسے ربر سے مٹاتے ہیں. ساتھ ہی صاف کپڑے سے پونچھتے جائیں. اس سے کلر پینسل، کریون یہاں تک کہ مارکر کے دھبے بھی آسانی سے نکل جائیں گے.