سلائی مشین چلاتے ہوئے اس وقت شدید الجھن ہوتی ہے جب بخیہ صحیح نہیں آتا اور کپڑا کھنچنے لگتا ہے. اسی وجہ سے پھر دھاگہ بھی بار بار ٹوٹنے لگتا ہے. گھریلو خواتین اس پریشانی میں عام طور پر مشین ٹھیک کروانے کے لئے تگ و دو شروع کرتی ہیں جبکہ یہ مسئلہ تو گھر بیٹھے ہی منٹوں میں ٹھیک ہوسکتا ہے. کیسے؟ آئیے آپ کو بتاتے ہیں.
سب سے پہلے مشین سے ریل وغیرہ نکال لیں اور پھر ایک پیچ کس سے مشین کا باربن والا حصہ کھول لیں اور اندر سے باربن نکال دیں. سوئی کو جس حد تک نیچے لا سکتے ہیں لے آئیں.
بخیہ صحیح رکھنے کے لیے ضروری ہے ہے جس وقت سوئی نیچے ہو اس وقت سوئی کے نیچے والے حصے پر موجود دانوں پر ہاتھ پھیرنے سے دانے محسوس نہ ہوں. اور جیسے ہی سوئی اوپر کی جائے دانت ہاتھ لگانے سے محسوس ہونے لگیں.
اب سلائی مشین کے نیچے والا پیچ پیچ کس سے ڈھیلا کر لیں اور دانت کو ہاتھ کی مدد سے سیٹ کریں. پھر پیچ ٹائٹ کر لیں. مزید آسانی سے سمجھنے کے لئے دی گئی ویڈیو ضرور دیکھیں.