سردیوں میں ویزلین کا استعمال ایک عام بات ہے اور یہ تقریباً ہر گھر میں پائی جاتی ہے۔ کوئی اسے ہاتھ پاؤں کی خشکی دور کرنے کیلیئے استعمال کرتا ہے تو کوئی ہونٹوں اور پلکوں پر لگانے کیلیئے، کیونکہ زیادہ تر صورتوں میں یہ بیوٹی پروبلمز کیلیئے استعمال ہوتی ہے۔
لیکن کیا آپ جانتے ہیں یہی ویزلین آپ کے دوسرے گھریلو مسئلے میں بھی کام آسکتی ہے؟ اگر نہیں تو آج ہم آپ کو اسکے دیگر استعمال بتاتے ہیں۔
نل پر زنگ لگنا:
اکثر باتھ روم اور کچن کے نلکوں پر سفید دھبے پڑ جاتے ہیں جو دیکھنے میں کافی برے لگتے ہیں، زیادہ تر یہ ان گھروں میں ہوتا ہے جہاں کھارا پانی آتا ہے۔ اور پھر یہی دھبے کچھ وقت بعد زنگ پکڑ لیتے ہیں، اسلیئے ان دھبوں کو شروعات میں ہی روک دینا چاہیئے۔
اس کا آسان حل یہ ہے کہ سب سے پہلے اپنے نلکوں کو اچھی طرح سرف، صابن یا لیکویڈ سے دھو لیں۔ اسکے بعد اسے صاف کپڑے سے خشک کرلیں، پھر اس پر ویزلین لگا کر ٹشو پیپر سے چاروں طرف پھیلا دیں۔ ایسا کرنے سے نلکوں پر پانی جمے گا نہیں، اور نہ ہی دھبے پڑیں گے۔
چولہے پر پڑنے والے دھبے:
کھانا پکاتے ہوئے چولہے پر تیل یا مصالحہ اڑنے سے دھبے پڑ جاتے ہیں جو کھانا بنائے تک خشک بھی ہوجاتے ہیں کیونکہ اس وقت خواتین مصروف ہوتی ہیں اسلیئے اتنا دھیان نہیں دے پاتیں، جسے بعد میں صاف کرنا پھر مشکل ہوجاتا ہے۔
اس مسئلے سے بچنے کیلیئے آپ کو صرف اتنا کرنا ہے کہ ویزلین کو ایک نرم کپڑے پر لگا کر اس سے چولہے کو صاف کرنا ہے، ویزلین کی چکنائی سے چولہے پر داغ دھبے نہیں جمیں گے۔