وہ غریب تھا، لڑکی کی ماں نے رشتے سے انکار کردیا- اس
انکار پر بیٹی نے کھانا پینا چھوڑ دیا- ماں اسے منانے گئی- کمرہ خالی تھا
کہ اتنے میں میز پر پڑے بیٹی کے موبائل پر میسج کی بیپ بجی- ماں نے لپک کر
اسے اٹھایا- لڑکے کا میسج تھا "ہر گز نہیں- جانتی ہو کورٹ میرج کا مطلب
ہوتا ہے لڑکی گھر سے بھاگ گئی ہے- یہ داغ زندگی بھر نہیں دھلتا- مجھے
تمھارے گھر والوں کی عزت زیادہ عزیز ہے"- تھوڑی دیر بعد وہ آئی تو ماں نے
کہا "بیٹی- لڑکا خاندانی ہے- مجھے رشتہ منظور ہے"-
|