Dil Ki Zuban

(Sehrish Yazdan Malik, Burton -on- trent United Kingdom)

Pari Love Ishq

Kabhi Kabhi Insaan Khamosh Hota Hai Lakin Dil Bohat Kuch Keh Jata Hai. Kyunkay Shahid Dil Ki Bhi Zuban Hoti Hai. Jis Tarah Insaan Ki Ankhain Bohat Kuch Keh Jati Hain Aisay Hee Dil Bhi Bohat See Baatain Bina Bolay Hee Bol Jata Hai. Mohabbat Ka Wajood Bhi Kuch Aisa Hee Hai Woh Bhi Phely Dil Mein Parwan Charti Hai Phir Dil Ki Zuban Tak Aati Hai Iss Kay Baad Insaan Ki Zuban Say Hotay Howay Apnay Mehboob Tak Pohanchti Hai.

Mohabbat Ka Taluq Dimag Say Nhi Hota Ye Mera Manana Hai, Kyunkay Sachi Mohabbat Dimag Say Nhi Dil Say Hoti Hai. Aur Dil Say Ki Howe Mohabbat Kabhi Jodhi Nhi Hoti. Sachi Aur Pakeeza Mohabbat Eak Hee Insaan Say Ki Jati Hai Jo Aap Kay Dil Mein Ho Wohi Dimag Mein Hota Hai Aur Phir Roh Mein Bas Jata Hai Aur Jo Roh Mein Bas Jaye Tou Samj Jao Kay Ab Aap Kisi Aur Ko Qabool Karnay Ki Position Mein Bilkul Nhi Rahay.

Dil Hamesha Eak Hee Baat Kehta Hai Kay Jo Iss Dil Mein Rehta Hai Insaan Sirf Isse Ki Tamana Karta Hai Aur Kisi Dosray Kay Mutaliq Soch Bhi Nhi Sakta Kyunkay Sachi Mohabbat Mein Dilon Ka Eak Hona Zarori Hota. Jab Dil Eak Ho Jatay Hain Tou On Do Dilon Ki Zuban Bhi Eak Ho Jati Hai Aur Ye Sab Baatain Sirf Wohi Insaan Samj Pata Hai Jisnay Waqia Hee Kisi Say Sachi Aur Pakeeza Mohabbat Ki Ho. Kyunkay Jo Sirf Waqt Guzartay Hain Aur Mohabbat Jaisay Khobsorat Lafaz Ka Mazaaq Banatay Hain Woh Kabhi In Baataoun Ko Nhi Samj Saktay In Ki Nazar Mein Ye Sirf Eak Mazaq Aur Kheel Hai Aur Kuch Bhi Nhi.

Dil Jism Mein Na Ho Tou Insaan Jee Nhi Pata Lakin Jab Sachy Dil Say Pyar Ho Jaye Tou Yahi Dil Insaan Kay Jism Mein Nhi Rehta Balkay Uss Insaan Kay Pass Chala Jata Hai Jo Iss Mein Rehta Hai. Ye Alag Baat Hai Kay Koi Aisay Dil Ki Qadar Karay Ya Na Karay. Aaj Kay Dour Mein Bohat Kam Log Hain Jo Waqia Hee Kisi Say Mohabbat Kartay Umar Bhar Kaliye Sirf Eak Hee Insaan Kay Ho Kar Rehtay Hain. Warna Iss Dour Mein Tou Mohabbat Kay Naam Par Dhoka Aur Ruswaye Kay Ilawa Kuch Nhi Diya Jata.

Pyar Insaan Ko Bohat Kuch Seekhata Hai. Ehsaas Karna, Jeena, Hansna, Muskarana, Aur Bohat Kuch. Lakin Agr Yahi Pyar Jodha Milay Tou Ye Sab Chezain Insaan Say Cheen Jati Hain Insaan Dil Say Nhi Muskara Pata Hans Nhi Pata Sou Nhi Pata Kyunkay Dil Ko Lagi Howe Choot Bohat Mushkil Say Bharti Hai. Jism Par Laga Zaham Marham Laganay Say Theek Ho Jata Hai Magr Dil Par Jo Zakham Lagta Hai Uss Kaliye Na Koi Marham Hai Na Uss Choot Ka Araam Milta Hai. Balkay Waqt Guzarnay Kay Saath Saath Ye Dard Ye Takleef Bas Bharti Hee Jati Hai. Aur Takleef Denay Waloun Ko Ehsaas Tak Nhi Hota.

Aur Jab Dil Tot'ta Hai Na Tou Phir Insaan Khamosh Ho Jata Hai Kyunkay Dil Ka Tot'na Kisi Ko Bhi Sounaye Nhi Deta Kyunkay Ye Woh Kaanch Hai Jiskay Tot'nay Kay Baad Tukray Chunay Say Insaan Pora Zakhmi Ho Jata Hai. Aisi Takleef Ka Booj Insaan Ko Andar Hee Andar Mar Deta Hai. Phir Na Dard Mehsoos Hota Hai Aur Na Koi Ehsaas Baki Rehta Hai. Insaan Zinda Laash Say Ziyda Kuch Bhi Nhi Hota. Dosroun Ki Khushi Kaliye Muskara Lenay Say Insaan Andar Say Kuch Nhi Ho Pata. Ye Khud Ko Dhoka Denay Wali Baat Hoti Hai. Kyunkay Jab Dil Hee Na Ho Seenay Mein Tou Insaan Kaisay Dil Say Muskara Sakta Hai.

Dostu...Sachy Jazbat Ki Qadar Karna Hr Eak Kay Bas Ki Baat Nhi Hoti Aur Sachy Jazbat Bhi Hr Eak Kay Seenay Mein Nhi Hotay. Mohabbat Insaan Ko Jeena Sekhati Hai Aur Jodhi Mohabbat Jaan Lay Bhi Leti Hai. Mohabbat Andhi Hoti Hai Jo Dil Say Mohabbat Karta Hai Woh Uss Insaan Par Pora Bharosa Karta Hai Jis Say Pyar Karta Hai Magr Jab Uss Insaan Ka Eak Jodh Samnay A Jaye Tou Bharosa Uth Saa Jata Hai Kyunkay Woh Insaan Ap Say Pyar Nhi Karta Jo Ap Say Apnay Baray Mein Jodh Pay Jodh Bolay. Jis Say Pyar Ho Na Unsay Kabhi Jodh Nhi Boltay. Jodh Tou Wohi Bolta Hai Jissay Pyar Na Ho. Aajkal Kay Dour Mein Logo Nay Sirf Time Pass Ko Mohabbat Ka Naam Day Diya Hai Aur Iss Khobsorat Rishtay Ki Dhajiya Uraa Dee Hain Iss Tarah Atibaar Nhi Rehta...

Kehtay Hain Mohabbat Insaan Ki Zindagi Badal Deti Hai Sachi Ho Tab Bhi Jodhi Ho Tab Bhi. Mohabbat Sachi Ho Tou Zindagi Khobsorat Aur Agr Jodhi Ho Tou Barbaad Ho Jati Hai.. Kuch Logo Ko Farq Nhi Parta Kisi Kay Jazbaat Ya Pyar Ka Woh Sirf Mazaaq Banatay Hain Magr Iss Baat Ka Yaqeen Tou Mujay Bhi Hai Kay Eak Din Uss Insaan Ko Aapki Mohabbat Ka Ehsaas Zaroor Hota Hai Magr Tab Tak Waqt Guzar Choka Hota Hai Waqt Kisi Ka Intezar Kaha Karta Hai Magr Jo Log Sacha Pyar Kartay Hain Na Woh Intezar Tou Kartay Hain Pyar Karna Bhi Khatam Nhi Kartay Akhri Saans Tak. Magr Iss Bepanah Pyar Aur Intezar Kay Bawjood Insaan Uss Insaan Say Bohat Dor Ho Jata Hai Jis Say Woh Behad Pyar Karta Hota Hai Kyunkay Jo Pyar Humaray Dil Ko Naram Banata Hai Wohi Pyar Humaray Dil Ko Aur Humain Pathar Bhi Bana Deta Hai. Phir Insaan Ko Na Kisi Ki Mohabbat Na Nafrat Na Mazaq Aur Na Hee Tanz Ka Ehsaas Hota Hai Phir Kuch Bhi Ho Zindagi Mein Insaan Ko Kuch Mehsoos Hee Nhi Hota...Kiya Khoob Likha Likhnay Walay Nay..
Ab Kiya Likhoun Zindagi Kay Baray Mein
Woh Log Hee Bichar Gay Jo Zindagi Howa Kartay Thy.

Dimag Pay Insaan Ka Ehtiyar Ho Sakta Hai Magr Dil Pay Nhi. Dil Tab Ap Kay Bas Mein Hota Hai Jab Eak Hee Insan Iss Mein Baseera Kar Lay Tab Ye Dil Kisi Aur Ko Dil Mein Nhi Anay Deta. Dimag Say Soch Kar Ki Gaye Mohabat Mohabat Nhi Aur Jo Dil Say Ho Woh Bayehtiyar Hoti Hai Aur Aise Mohabat Hee Sachi Hoti Hai. Mohabbat Ki Sab Say Behtareen Qisam Woh Hai Jo Pehli Nazar Mein Ho Aur Umar Bhar Eak Hee Insaan Say Rahay Aur Wohi Mohabbat Ishq Mein Badal Jati Hai Jisko Akhri Haad Kaha Jata Hai. Kuch Log Pheli Nazar Mein Pyar Tou Kartay Hain Magr Phir Ukta Jatay Hain Woh Mohabbat Nhi Nazar Ka Fareeb Hota Hai. Asal Mohabbat Mein Tou Insaan Ye Sab Nhi Kar Pata Kyun Kay Ye Dil Say Dil Ka Rabta Hota Hai Jo Kabhi Khatam Nhi Hota Hamesha Rehta Hai. Insaan Khatam Ho Jata Hai Par Mohabtain Hamesha Rehti Hain. Jitnay Bhi Saaf Aur Sacha Pyar Kaenay Walay Thy' Laila Majnu, Heer Ranja, Sheere Farhaad, Sab Chalay Gay Magr Mohabtain Aaj Bhi Zinda Haun Un Logo Kay Roop Mein Jo Sacha Aur Pakeeza Pyar Kartay Hain Aur Umar Bhar Nibhatay Hain. Eak Bar Jo Dil Mein A Giya Phir Kisi Aur Ko Jaga Nhi Detay Dil Mein Yahi Hai Sachi Mohabbat Woh Mohabbat Jo Hamesha Rehti Hai.....

Comments Print Article Print
 PREVIOUS
NEXT 
About the Author: Sehrish Yazdan Malik

Read More Articles by Sehrish Yazdan Malik: 7 Articles with 6077 views »
Currently, no details found about the author. If you are the author of this Article, Please update or create your Profile here >>
11 Jul, 2019 Views: 867

Comments

آپ کی رائے