فاتح عرب و عجم، شمشیر اسلام،
راز دار رسالت، کاتب وحی، خال المومنین، خلیفہ سادس امیر المومنین سیدنا
حضرت امیر معاویہ رضی اللہ عنہ کا یوم وفات اور کونڈوں کی رسم بد
فاتح عرب و عجم، شمشیر اسلام، رازدارد رسالت، کاتب وحی، خال المومنین،
خلیفہ سادس امیر المومنین سیدنا امیر معاویہؓ 22رجب المرجب 60 ہجری کو اس
دنیا سے رخصت ہوئے۔ص۔22رجب یوم وفات ہے نصف سے زائد دنیا پر خلافت اسلامی
کا علم لہرانے والے سیدنا امیر معاویہ رضی اللہ عنہ کا۔ امیرالمومنین سیدنا
معاویہ رضی اللہ عنہ وہ عظیم شخصیت ہیں کہ جنہیں زبان رسالت سے ہادی و مہدی،
راز دار رسالت اور حلیم جیسے القابات عطا کیے گئے۔ آپ وہ عظیم شخصیت ہیں
جنہیں اللہ کی مقدس کتاب قرآن پاک کی کتابت کا شرف حاصل ہو ا۔ آج یہ عظیم
شخصیت اتنی مظلوم ہو چکی ہے کہ اس عبقری شخصیت کے یوم وفات پر دشمنان اسلام
خوشی کا اظہار کرتے ہیں۔ اور اس دن ”کونڈوں“ کے نام سے شیرینی پکا کر تقسیم
کی جاتی ہے۔ غیروں کی دیکھا دیکھی کچھ اپنے لا علم حضرات بھی اس مکروہ فعل
کو رواج دینے کا ذریعہ بنتے ہیں۔ اور وہ بھی سادہ لوحی میں اس عظیم صحابی
رسول کی وفات پر خوشی کے اظہار کے نامعقول کام میں غیروں کی مشابہت اختیار
کرتے ہیں۔
کونڈوں کا پس منظر
یہ خلاف شرع اور مکروہ بدعت دراصل مخالفین اسلام اور معاندین صحابہ کرام کی
ایجاد ہے۔ جو شمالی ہند کے علاقہ اودھ سے شروع ہوئی۔ پھر لکھنو اور رام پور
کے نوابوں نے رفض کو پروانے چڑھانے کیلئے اس قسم کی بدعات کو عام کرنے میں
حصہ لیا۔ یہ رسم 1906ءسے چلی اور لکھنو شہر آج بھی اس رسم کی وجہ سے مشہور
ہے۔
1906ءکے قبل کہیں بھی یہ رسم منعقد نہیں ہوتی تھی۔ بلکہ لکھنو میں ابن سبا
کی نسل سے یہ سلسلہ شروع ہوا اور شروع شروع میں چوری چھپے گھروں میں پوریاں
بناتے اور لوگوں کو بلوا کر وہیں کھلا دیتے اور ان کا منہ صاف کر کے پھر
باہر بھیج دیتے جب استفسار کیا گیا کہ یہ کیا ہے تو انہوں نے یہ شوشہ چھوڑ
ڈالا کہ یہ حضرت جعفر صادقؒ کے کونڈے ہیں ۔
حالاں کہ یہ کونڈے حضرت جعفر صاد قؒکے ہوتے تو کم از کم یہ دیکھ لیا جاتا
کہ22رجب المرجب حضرت جعفر صادقؒ کا یوم پیدائش ہے؟ یا 22 رجب کو حضرت جعفر
صادقؒ کی وفات ہوئی ہے؟ حقیقت یہ ہے کہ یہ دونوں چیزیں نہیں ہیں۔ بلکہ حضرت
جعفر صادقؒ کی پیدائش ایک روایت کے مطابق ماہ ربیع الاول میں ہوئی ۔ اور
دوسری روایت کے مطابق رمضان المبارک میں ہوئی تو رجب سے ان کی پیدئش کا دور
کا بھی واسطہ نہیں اور ان کی وفات بغیر اختلاف کے ماہ شوال میں ہوئی۔ تو
حضرت جعفر صادقؒ کی طرف تین مہینے کسی نہ کسی طرح تو منسوب ہو سکتے ہیں
رمضان، ربیع الاول اور شوال۔ مگر رجب کا مہینہ تو ان سے منسوب ہو ہی نہیں
سکتا۔
مناظر اسلام امام اہل سنّت حضرت مولانا عبدالشکورلکھنویؒ نے اپنے رسالہ”
النجم“ کی اشاعت جمادی الاول ۸۴۳۱ھ میں لکھا تھا کہ ایک بدعت ابھی تھوڑے
دنوں سے ہمارے اطراف میں شروع ہوئی ہے اور تین چار سال سے اس کا رواج بڑھتا
جا رہا ہے یہ بدعت کونڈوں کے نام سے مشہور ہے۔
”کونڈا“ کی تحقیق
“کونڈا“ عربی زبان کا لفظ نہیں ہے۔ یہ ایک طے شدہ حقیقت ہے کیونکہ عربی میں
”ڈ“کا استعمال نہیں ہوتا۔ پس یہ ”کونڈا“ اردو یا پنجابی زبان کا لفظ ہے۔
جیسا کہ معاشرے میں عام طور پر مخالف کو کہا جاتا ہے”تیرا کونڈا ہو جائے“۔
اس کا مطلب یہ ہوتا ہے کہ تیرا ستیاناس ہو جائے۔ یعنی یہ کوئی اچھا لفظ
نہیں ہے۔ اس لفظ کا استعمال دوستی کے معنی میں نہیں بلکہ تعصب، دشمنی اور
دشنام طرازی کے معنی میں ہوتا ہے۔ اہل تشیع حضرت حضرت جعفر صادقؒ کی آڑ لے
کر در حقیقت سیدنا امیر معاویہ ؓ کے وفات پر یہ رسم ادا کرتے ہیں ۔ اور
اپنے حلقہ کے اندر برملا اس بات کا اظہار بھی کرتے ہیں ۔ لیکن دوسروں کے
سامنے حضرت جعفر صادقؒ کانام لیتے ہیں۔ پھر حقیقت سے ناواقفیت کی بنا ءپر
سادہ لوح مسلمان بھی اہل تشیع کی دیکھا دیکھی اس رسم میں حصہ لیتے ہیں۔ سو
چنا چاہیے کہ آخر یہ رسم چوری چوری کیوں ہوتی ہے؟ اور رات کے آخری حصے میں
کیوں ہوتی ہے؟ ظاہر ہے کہ اگر یہ کوئی اچھی چیز ہوتی تو سب کے سامنے بلا
خوف و خطر اس کا اظہار کیا جاتا۔
حضرت معاویہؓ نبیﷺ کی مقدس جماعت ’صحابہ‘ کے ایک انتہائی جلیل القدر صحابیؓ
ہیں اور نبیﷺ سے حضرت امیر معاویہؓ کا تعلق یہ تقاضہ کرتا ہے کہ اس طرح کی
غیرشرعی اور خلاف اسلام رسومات سے اعراض کرنا چاہیے اور جہاں تک ہو سکے اس
بدعت غلیظہ کی حقیقت کو عام مسلمانوں پر واضح کرتے ہوئے اپنے سمیت سب
بھائیوں کو اس سے بچانے کی کوئی نہ کوئی تدبیر ضرور کرنی چاہیے۔ اس سال
امیر المومنین سیدنا معاویہؓ کا یوم وفات22 رجب، 25جون کو ہے۔ اس دن کی آمد
سے پہلے ہی اپنے گرد و نواح کے مسلمانوں کو اس سے باخبر و ہوشیار کریں تاکہ
وہ اس مکروہ عمل میں شامل ہو کر اللہ کی ناراضگی، قلب محمدﷺ کی تکلیف اور
صحابہ کرامؓ کی دشمنی کا ذریعہ مت بنیں۔ |