کرپٹوکرنسی کیا دنیا
(Dr zahoor Ahmed Danish, karachi)
| وقت کے ساتھ ساتھ چیزیں کس تیزی سے بدل رہی ہیں ۔آپ یقین کریں عقل دھنگ رہ جاتی ہے ۔میں نے اپنی اس زندگی میں سکے ،نوٹ ،لین دین کے طور طریقے بدلتے دیکھے ۔اب تو ٹیکنالوجی کی دنیا میں دنوں کے حساب سے تبدیلیاں آرہی ہیں ۔آپ معاشی نظام ہی کو دیکھ لیں کہ پہلے ہم نوٹ دیتے تھے اور چیز لیتے تھے ۔اب ڈیجیٹل طریقے آگئے متعلقہ فرد کے اکاونٹ میں آپ ای منی ٹرانسفرکردیتے ہیں ۔ظاہر ہے انسان جدید اور مزید کی گردان جانتاہے ۔اس کھوج میں وہ نت نئے کام اور نت جئے چیزیں تخلیق کرتاچلاجاتاہے ۔اس دور میں آپ نے ایک اصطلاح زبان ژدعام سنی ہوگی کرپٹوکرنسی ۔میں نے سوچاجہاں دیگر عنوانات پر لکھا ۔ان دنوں اسی پرموضوع پر پڑھ بھی رہاہوں دیکھ بھی رہاہوں اور اس فیلڈ سے وابستہ لوگوں سے میل ملاقات بھی ہے تو کیوں نہ آپ کو بھی کرپٹوکے حوالے سے قسط وار کچھ نہ کچھ معلومات پیش کرسکوں ۔ |
|
|
تحریر:ڈاکٹرظہوراحمددانش
(دوٹھلہ نکیال آزادکشمیر)
وقت کے ساتھ ساتھ چیزیں کس تیزی سے بدل رہی ہیں ۔آپ یقین کریں عقل دھنگ رہ جاتی ہے ۔میں نے اپنی اس زندگی میں سکے ،نوٹ ،لین دین کے طور طریقے بدلتے دیکھے ۔اب تو ٹیکنالوجی کی دنیا میں دنوں کے حساب سے تبدیلیاں آرہی ہیں ۔آپ معاشی نظام ہی کو دیکھ لیں کہ پہلے ہم نوٹ دیتے تھے اور چیز لیتے تھے ۔اب ڈیجیٹل طریقے آگئے متعلقہ فرد کے اکاونٹ میں آپ ای منی ٹرانسفرکردیتے ہیں ۔ظاہر ہے انسان جدید اور مزید کی گردان جانتاہے ۔اس کھوج میں وہ نت نئے کام اور نت جئے چیزیں تخلیق کرتاچلاجاتاہے ۔اس دور میں آپ نے ایک اصطلاح زبان ژدعام سنی ہوگی کرپٹوکرنسی ۔میں نے سوچاجہاں دیگر عنوانات پر لکھا ۔ان دنوں اسی پرموضوع پر پڑھ بھی رہاہوں دیکھ بھی رہاہوں اور اس فیلڈ سے وابستہ لوگوں سے میل ملاقات بھی ہے تو کیوں نہ آپ کو بھی کرپٹوکے حوالے سے قسط وار کچھ نہ کچھ معلومات پیش کرسکوں ۔
قارئین :آپ ایک بات ذہن نشین کرلیجئے گاکہ کرپٹوکے جائز و ناجائز کی بحث ایک جداموضوع ہے ۔میں اپنے مضامین میں اس نظام اور اسٹرکچر کی بات کروں گا۔اس کے حرام و حلال کی ابحاث مابین علما و مفتیان کرام ہی زیب دیتی ہیں ۔آئیے سب سے پہلے یہ جانتے ہیں کہ کرپٹوہے کیا؟
کرپٹو کرنسی ایک ڈیجیٹل یا ورچوئل کرنسی ہے جو کرپٹوگرافی کے ذریعے محفوظ کی جاتی ہے۔ یہ روایتی کرنسیوں (جیسے روپے یا ڈالر) کی طرح کام کرتی ہے، لیکن اس کی بنیاد بلاک چین ٹیکنالوجی پر ہے، جو اسے محفوظ اور شفاف بناتی ہے۔ کرپٹو کرنسی کسی حکومت یا مرکزی بینک کے کنٹرول میں نہیں ہوتی، اس لیے اسے غیر مرکزی کرنسی (Decentralized Currency) کہا جاتا ہے۔
قارئین :میں آپ کے لیے مزید آسان وضاحت پیش کردیتاہوں ۔وہ ایسے کہ سکتے ہیں، لیکن آپ اسے خریدنے، بیچنے، اور ایک دوسرے کو بھیجنے کے لیے استعمال کر سکتے ہیں۔یہ کسی حکومت یا بینک کے کنٹرول میں نہیں ہوتی بلکہ ایک خاص ٹیکنالوجی (بلاک چین) کے ذریعے چلتی ہے، جو اسے محفوظ اور شفاف بناتی ہے۔
اب سوال یہ پیداہوتاہے کہ کرپٹومیں مشہور نام کون کون سے ہیں ؟تاکہ ہم اگر براوز کریں یا کسی کوانفارم کرنا چاہیں تو ہمیں ان ناموں کامعلوم ہو۔آئیے اس حوالے سے بھی آپکو بتادیتاہوں تاکہ آپ کو بات سمجھنے میں مزید آسانی ہو
بِٹ کوائن (Bitcoin - BTC)
سب سے مشہور اور پہلی کرپٹو کرنسی۔2009 میں ساتوشی ناکاموٹو کے نام سے مشہور ایک نامعلوم فرد یا گروپ نے تخلیق کی۔ڈیجیٹل کرنسی کی بنیاد رکھنے والی کرنسی۔زیادہ تر سرمایہ کاری اور ڈیجیٹل لین دین کے لیے استعمال ہوتی ہے۔زیادہ سے زیادہ 21 ملین بٹ کوائن موجود ہو سکتے ہیں۔
2. ایتھریم (Ethereum - ETH)
سمارٹ کانٹریکٹس اور ڈی سینٹرلائزڈ ایپلی کیشنز (DApps) کے لیے مشہور۔2015 میں وِٹالِک بٹرن نے تخلیق کی۔
یہ صرف کرنسی نہیں بلکہ ایک پلیٹ فارم بھی ہے جہاں مختلف پروگرامز بنائے جا سکتے ہیں۔NFT مارکیٹ کے لیے بھی ایتھریم کا استعمال کیا جاتا ہے۔
3. لائٹ کوائن (Litecoin - LTC)
بٹ کوائن کے ہلکے اور تیز رفتار متبادل کے طور پر مشہور۔2011 میں چارلی لی نے تخلیق کی۔لین دین کی رفتار بٹ کوائن سے زیادہ ہے۔زیادہ تر چھوٹے پیمانے پر لین دین کے لیے استعمال ہوتا ہے۔
4. ریپل (Ripple - XRP)
بینکوں کے درمیان تیز رفتار بین الاقوامی لین دین کے لیے مشہور۔2012 میں تخلیق کی گئی۔مالیاتی ادارے اسے رقم کی منتقلی کے لیے استعمال کرتے ہیں۔کم ٹرانزیکشن فیس کے ساتھ کام کرتا ہے۔
5. بینانس کوائن (Binance Coin - BNB)
کرپٹو کرنسی کی خرید و فروخت کے لیے مشہور پلیٹ فارم Binance کی کرنسی۔2017 میں Binance نے اسے لانچ کیا۔Binance پلیٹ فارم پر فیس کم کرنے کے لیے استعمال ہوتا ہے۔مختلف دیگر خدمات میں بھی استعمال کیا جاتا ہے۔
6. ٹیتھر (Tether - USDT)
ایک اسٹیبل کوائن جو امریکی ڈالر کی قدر کے ساتھ منسلک ہے۔اس کی قیمت ہمیشہ $1 کے قریب رہتی ہے۔کرپٹو مارکیٹ میں استحکام کے لیے استعمال کیا جاتا ہے۔
7. کارڈانو (Cardano - ADA)
محفوظ اور تیز رفتار لین دین کے لیے ایک جدید کرپٹو کرنسی۔2017 میں تخلیق کی گئی۔سمارٹ کانٹریکٹس اور ڈی سینٹرلائزڈ ایپلی کیشنز میں استعمال ہوتا ہے۔
8. ڈوج کوائن (Dogecoin - DOGE)
ایک مزاحیہ کرپٹو کرنسی کے طور پر شروع کی گئی، لیکن بعد میں مقبول ہو گئی۔2013 میں لانچ کی گئی۔زیادہ تر سوشل میڈیا اور خیراتی مہمات میں استعمال ہوتی ہے۔
9. سولانا (Solana - SOL)
تیز ترین بلاک چین پلیٹ فارمز میں سے ایک۔
2020 میں لانچ کی گئی۔اسمارٹ کانٹریکٹس اور NFT مارکیٹ کے لیے استعمال ہوتی ہے۔
10. پولکاڈاٹ (Polkadot - DOT)
مختلف بلاک چینز کو ایک دوسرے کے ساتھ جوڑنے کے لیے۔2020 میں لانچ کی گئی۔ڈی سینٹرلائزڈ ایپلی کیشنز اور نیٹ ورک کے لیے ایک مضبوط کرنسی۔
قارئین ۔
اب کافی حد تک آپکو کرپٹوکے بارے میں بنیادی باتیں سمجھ آگئی ہوں گیں ۔۔آپ مزید جانناچاہتے ہیں تو ہم اس حوالے سے لکھتے رہیں گے ۔لیکن ہمارے بہت ہی پیارے دوست جو بہترین علمی و فکری شخصیت اور جدید دنیا سے ہم آہنگ برادرم عامر پٹنی کی کتاب آپ کے لیے ایک بہترین مستطاب ثابت ہوگی ۔کرپٹو کی دنیا سے اپ ڈیٹ رہنے کے لیے ہماری تحریروں سے جُڑے رہیے ۔کیوں کہ ہماراعزم شعور و بیداری ہرایک کہ لیے ۔ہماری کوشش میں خیر پائیں تو ہمارے لیے دعاکردیجئے گا۔ |