چیف آف آرمی سٹاف جنرل اشفاق
کیانی اور سیکرٹری دفاع کے بالترتیب یہ بیانات کہ پاکستان کے لیے خطرات کئی
گنا بڑھ گئے ہیں ہمارا مقابلہ ایسے دشمن سے ہے جس کی واضح شکل نہیں ہے
امریکہ اور برطانیہ پاکستان کے ایٹمی پروگرام کے مخالف اور امریکی سی آئی
اے پاکستان میں خفیہ آپریشنز کے لیے غیر ملکی ایجنٹوں کو استعمال کرتی ہے
اور سی آئی اے کے ایجنٹ پورے ملک میں موجود ہیں امریکہ بھارت اور اسرائیل
واضح صورت میں پاکستان کے دشمن ہیں جس کی حقیقت سب پر عیاں ہے اور پاکستان
میں دہشتگردی ، لاقانونیت ، بدامنی پھیلانے کے نیٹ ورک کا روح رواں امریکہ
، اس کی خفیہ تنظیم سی آئی اے اور بدنام زمانہ بلیک واٹر کے ایجنٹوں کا
ہاتھ ہے اب ہمارے حکمرانوں ، سیکورٹی فورسز ، قانون نافذ کرنے والے اداروں
، پالیسی سازوں کی آنکھیں کھل جانی چاہئیں بلوچستان میں سی آئی اے اپنے
مکروہ ایجنڈے کی تکمیل کے لیے ملک میں فرقہ وارانہ فسادات کے ذریعے قومی
یکجہتی اور ملکی استحکام کو پارہ پارہ کرنے پر تلی ہے بلوچستان میں شورش
زدہ حالات پیدا کرنے کے پیچھے بھی امریکہ ، بھارت اور اسرائیل ملوث ہیں اور
اب قومی سلامتی کے ذمہ دار وں اور سیکیورٹی ایجنسیوں کے پاس تمام تر ثبوت
ہونے کے باوجود ”سی آئی اے“ ” بلیک واٹر“ ” را “ اور” موساد “کے ایجنٹوں کے
خلاف کاروائی نہ ہونا تشویشناک ہے حکومت اب دہشتگردی کی نام نہاد جنگ کا
حصہ دار میں امریکہ کے فرنٹ لائن اتحادی کی صف سے باہر آ جائے اور امریکہ
سے کہہ دے کہ ہم مزید آپ کے لیے ملک کو تباہ نہیں کر سکتے ۔ جبکہ قوم کا اس
بات پر پہلے دن سے ہی اتفاق ہے کہ امریکہ پاکستان کا کھلا دشمن ہے لیکن
سیکولر ، لادین ، نام نہاد انسانی حقوق کی پروردہ تنظیمیں اور حکمران طبقہ
امریکہ کی وکالت اور وفاداری میں ایک دوسرے سے سبقت لے جانے میں لگے ہوئے
ہیں-
سیاسی باتوں کے ساتھ ساتھ پاکستانی قوم کے لیے ایک خوشی کی خبر یہ بھی ہے
کہ قومی کرکٹ ٹیم نے پہلے ون ڈے میں بھارتی کرکٹ ٹیم کو 6 وکٹوں سے شکست
دیتے ہوئے تین ایک روزہ میچز پر مشتمل سیریز میں ایک صفر سے برتری حاصل
کرلی پاکستان اور بھارت کی کرکٹ ٹیموں کے درمیان ایک روزہ سیریز کا پہلا
میچ اتوارکے روز چنائی میں کھیلا گیا جس میں پاکستان نے ٹاس جیت کر فیلڈنگ
کرنے کا فیصلہ کیا ۔ پاکستان کی جانب سے پہلے کھیلنے کی دعوت ملنے کے بعد
بھارت نے مقررہ پچاس اوورز میں چھ وکٹوں کے نقصان پر 227 رنز بنائے اور
پاکستان کو جیتنے کے لئے 228 رنز کا ہدف دیا۔ بھارت کے پہلے 5 کھلاڑی صرف
29 کے مجموعی سکور پر پویلین لوٹ گئے جس کے بعد بھارتی کرکٹ دباﺅ میں آگئی۔
بھارتی کرکٹ ٹیم کو پہلا نقصان اس وقت اٹھانا پڑا جب ٹیم کا سکور17 رنر تھا
۔ پہلے آﺅٹ ہونے والے کھلاڑی سہواگ تھے انہیں جنید خان نے بولڈ کیا ۔
بھارتی کی دوسری وکٹ بھی 17 کے رنز پر گری۔ دوسرے آﺅٹ ہونے والے کھلاڑی
گھمبیر تھے انہیں محمد عرفان نے بولڈ کیا ۔ 19 کے مجموعی سکور بھارتی کرکٹ
ٹیم کی تیسری وکٹ گری گئی ۔ تیسرے آﺅٹ ہونے والے کھلاڑی کوہلی تھے وہ بھی
جنید خان کی تباہ کن باﺅلنگ کا سامنا نہ کرسکے اور بولڈ ہوگئے۔ 20 کے
مجموعی سکور پر یوراج سنگھ بھارت کے چوتھے آﺅٹ ہونے والے کھلاڑی تھے جنہیں
جنید خان نے ہی بولڈ کیا ۔ 29 رنز پر آر جی شرما بھارت کے 5 ویں آﺅٹ ہونے
والے کھلاڑی تھے، وہ بھی جنید خان کی بال پر کیچ آﺅٹ ہوئے۔ بھارت کے پہلے 5
کھلاڑیوں میں سے کوئی بھی کھلاڑی ڈبل ہندسے کا سکور نہ بناسکا ۔ بھارت کے
چھٹے آﺅٹ ہونے والے کھلاڑی سریش رائنا تھے جنہوں نے 43 رنز کی اننگز کھیلی،
انہیں محمد حفیظ نے بولڈ کیا ۔ 6 کھلاڑی آﺅٹ ہونے کے بعد مہندر دھونی نے
ٹیم کی پوزیشن مستحکم کرنے میں اہم کردار ادا کیا۔انہوں نے ایک سو پچیس
گیندوں میں 113 رنز بنائے اور آﺅٹ نہیں ہوئے۔ ان کا ساتھ روی چندرن ایشون
نے دیا جنہوں نے 39 گیندوں اکتیس رنز بنائے۔ ان دونوں کھلاڑیوں نے ساتویں
وکٹ کی شراکت میں 125 رنز بنائے۔ بھارت اننگز میں پاکستان بولرز جنید خان
اور محمد عرفان نے شاندار بولنگ کا مظاہرہ کیا۔ بھارتی بیٹسمین ان دونوں
بولرز کو نہیں کھیل سکے اور بھارت کے پہلے چار کھلاڑی کلین بولڈ ہوئے۔
پاکستان کی جانب سے محمد عرفان نے ایک ، جنید خان نے 4 اور محمد حفیظ نے
ایک بھارتی کھلاڑی کو آﺅٹ کیا ۔ پاکستان کی جانب سے اننگز کا آغاز محمد
حفیظ اور ناصر جمشید نے کیا دو سو اٹھائیس رنز کے ہدف کے تعاقب میں پاکستان
کو پہلی گیند پر ہی اس وقت نقصان اٹھانا پڑا جب اپنا پہلا ون ڈے کھیلنے
والے بھوونیشور کمار نے اننگز کی پہلی ہی گیند پر محمد حفیظ کو کلین بولڈ
کر دیا۔ نئے آنے والے کھلاڑی اظہر علی تھے لیکن وہ بھی زیادہ دیر تک وکٹ پر
نہ ٹھہر سکے اور 21 کے مجموعی سکورپر 9 رنز بنا کر کمار کی بال پر کیچ آﺅٹ
ہوگئے ۔ اس کے بعد پاکستان کو ایک مضبوط پارٹنر شپ کی ضرورت تھی جس کی کمی
کو ناصر جمشید اور یونس خان نے پورا کیا ۔ دونوں کھلاڑیوں کی ذمہ درانہ
بیٹنگ کی بدولت پاکستان بھارت کےخلاف228 رنز کا ہدف حاصل کرنے میں کامیاب
ہوا۔ پاکستان کے تیسرے آﺅٹ ہونے والے کھلاڑی یونس خان تھے جنہوں نے 58 رنز
بنائے اور وہ 133 کے مجموعی سکور پر دندا کی بال پر کیچ آﺅٹ ہوئے ۔ یونس کے
بعد ناصر جمشید کا ساتھ دینے کے لئے نئے آنے والے کھلاڑی ٹیم کے کپتان
مصباح الحق تھے لیکن ایک مرتبہ پھر سے وہ کوئی متاثر کن کارکردگی نہ دیکھا
سکے اور 16 رنز بناکر 174 کے مجموعی سکور پر شرما کی بال پر بولڈ ہوگئے ۔
اس کے بعد ناصر جمیشد اور شعیب ملک نے پاکستانی کشتی آہستہ آہستہ آگے
بڑھائی 48.1 اوورز میں 228 رنز کا ہدف پورا کرلیا ۔ شعیب ملک 34 اور ناصر
جمیشد 101 رنز بنا کر ناٹ آﺅٹ رہے ۔ |