Ek Martaba Hazrat Imaam Hasan,
Hazrat Imaam HusainAur Hazrat Abdullah Bin Jaafar Radiallahu Ta’ala Anhuma Hajj
Ko Ja Rahe TheKi Jis Oont Par Safar Ka Samaan Rakha Hua Tha Wo Kahin Pichhe Reh
Gaya.Ye Hazraat Bhook Aur Pyaas Ki Wajah Se Pareshan The. Itne Me Un Ko Ek
Budhiya Ki Jhonpdi Nazar Aai. Wo Log Jhonpdi Me Tashreef Le Gaye Aur Farmaya
‘kuchh Peene Ko Hai?’ Us Budhiya Ne Jawab Diya ‘haan, Hai.’ Phir Us Ne Apni
Bakri Ka Doodh Dohkar Paish Kiya. Unho Ne Wo Piya. Phir Puchha ‘kuchh Khaane Ko
Hai?’ Us Ne Jawab Diya ‘tayyar Nahi Hai. Isi Bakri Ko Zibah Karke Kha
Lijiye.’Chunanche, Unho Ne Us Bakri Ko Zibah Kiya Aur Use Khakar Farmaya ‘hum
Quraish Me Se Hain. Jab Is Safar Se Lautenge To Hamare Paas Aana. Hum Aap Ke
Ehsaan Ka Badla Denge.’ Yeh Farmakar Rawana Ho Gaye.Jab Us Budhiya Ka Shohar
Ghar Aaya To Khafa Hokar Kehne Laga ‘tune Bakri Un Logo Ko Khila Di Jinko
JaantiBhi Nahi.’Thode Din Baad Wo Miyan-biwi Muflisi Ki Wajah Se Madeena
Munawwara Me Aa Pahunche Aur Oont Ki Lindiyaan Chun-chunker Bechkar Guzara Karne
Lage.Ek Din Wo Budhiya Kahin Ja Rahi Thi Ki Hazrat Hasan Radiallahu Ta’ala Anhu
Ne Use Dekhkar Pehchan Liya Aur Use Bulakar Farmaya,‘badi Bi, Mujhe Pehchana?’
Us Ne Arz Kiya ‘nahi!’ Aap Ne Farmaya ‘mainWo Shakhs Hu Jo Fala Din Tumahra
Mehmaan Hua Tha.’ Budhiya Ne Gaur Se Dekha Aur Boli ‘haan, Pehchan Gai. Aap Meri
Jhonpdi Me Tashreef Laaye The.’Hazrat Imaam Hasan Radiallahu Ta’ala Anhu Ne Us
Budhiya Ko 1000 Bakriya Aur 1000 Dinaar Inaayat Karne Ka Hukm Farmaya.Phir Aap
Ne Apne Gulam Ke Saath Us Budhiya Ko Hazrat Imaam Husain Radiallahu Ta’ala Anhu
Ke Paas Bheja. Hazrat Imaam Hussain Radiallahu Ta’ala Anhu Ne Us Se Puchha ‘bhai
Jaan Ne Tumhe Kya Diya?’ Budhiya Ne Jawab Diya ‘1000 Bakriyan Aur 1000 Dinaar.’
Hazrat Imaam Husain Radiallahu Ta’ala Anhu Ne Bhi 1000 Bakriyan Aur 1000 Dinaar
Us Budhiya Ko Inaayat Farmaye.Phir Aap Ne Gulam Ke Saath Us Budhiya Ko Hazrat
Abdullah Bin Jaafar Radiallahu Ta’ala Anhu Ke Paas Bheja. Unho Ne Puchha‘dono
Bhaiyon Ne Tumhe KyaDiya?’ Wo Boli ‘2000 Bakriyan Aur 2000 Dinaar.’ Hazrat
Abdullah Ne Bhi Use 2000 Bakriyan Aur 2000 Dinaar Ata Farmae.Wo Budhiya 4000
Bakriyan Aur 4000 Dinaar Kekar Apne Shohar Ke Paas Aai Aur Kehne Lagi ‘yeh
In’aam Un Sakhiyon Ne Ata Farmaya Hai Jin Ko Maine Bakri Khilayi
Thi.’(Keemiya-e-sa’adat, Safa -259)