عید میلانبی ﷺ،مرحبا،مرحبا
(Imtiaz Ali Shakir, Lahore)
| کلمہ طیبہ کا ترجمعہ
ہے’’نہیں ہے کوئی معبود سوائے اﷲ کے محمد ﷺاﷲ کے رسول ہیں‘‘کلمہ طیبہ سے
سبق ملتا ہے کہ اﷲ تعالیٰ کے سوا کوئی عبادت کے لائق نہیں ہے اور حضرت
محمدﷺاﷲ تعالیٰ کے رسول ہیں ۔لفظ ’’ہیں‘‘پر غور کریں ۔نبی کریمﷺ،انبیاء
کرام اور صالحین کے سوا کبھی کسی جگہ لفظ ہیں استعمال نہیں ہوتا ۔ابوجہل
اور دیگر کافروں اور منافقین کوکبھی کسی نے کہا کہ اﷲ تعالیٰ اور رسول
اﷲﷺکے منکر ہیں؟نہیں میں نے تو آج تک ایسا نہ سنا اورنہ پڑھا ہے۔کافروں کے
مرمٹ جانے کے بعد جب بھی ذکر آتا ہے اسی طرح آتاکہ فلاں بہت بڑا
کافرتھا۔یعنی کافر اپنے کفر کے سبب مٹ گیااور اﷲ تعالیٰ کے نیک بندے اس
دنیا فانی سے پردہ کرنے کے باوجود تھے نہیں بلکہ آج بھی ہیں۔فرض نماز میں
’’تشہد‘‘پڑھناضروری ہے ورنہ نماز نہیں ہوتی۔جس کا ترجمعہ یہ ہے’’تمام قولی
عبادتیں اوربدنی اورمالی اﷲ کیلئے ہیں۔اے نبیﷺآپ پرسلام ہواوراﷲ کی رحمت
اور اس کی برکتیں۔سلام ہوہم پراور اﷲ کے نیک بندوں پر۔میں گواہی دیتا ہوں
تحقیق محمدﷺاس کے بندے اور رسول ہیں‘‘کلمہ طیبہ کی طرح یہاں بھی سامنے آیا
کہ حضرت محمدﷺاﷲ کے بندے اور رسول ہیں۔یہاں یہ معلوم ہوتا ہے کہ تمام تر
عبادتیں صرف اور صرف اﷲ تعالیٰ کیلئے ہیں اوربارگاہ نبوت میں ہی نہیں بلکہ
اﷲ تعالیٰ کے تمام نیک بندوں پرسلام پڑھنا چاہئے ۔نماز کی حالت میں نبی
کریمﷺاور اﷲ تعالیٰ کے نیک بندوں پرسلام پڑھا جاسکتاہے توپھر بارگاہ نبوت
میں کسی بھی وقت سلام عرض کیا جاسکتاہے ۔میں تو کہتاہوں کہ ہماری اوقات ہی
نہیں کہ ہم اﷲ تعالیٰ کے حبیب نبی حضرت محمدﷺ کی شان بیان کرسکیں اور اُن
کی خدمت میں اسلام پیش کرسکیں۔آج ہم جو آپﷺ کی خدمت میں سلام عرض کرتے ہیں
تو اﷲ اوررسول اﷲﷺ کی مہربانی ہے ہم پر۔آپ نے کئی مرتبہ سنا ،دیکھا ہوگا
بلکہ کئی مرتبہ خود ہمارے ساتھ یہ واقع پیش آتا ہے کہ جب دنیا کے کسی
بڑے(امیر)شخص کو سلام کرتے ہیں تو وہ کہتا ہے کہ چل جاکام کرمجھے نہیں
چاہئے تیرا سلام۔قربان جاؤں رسول اﷲﷺکی شان پرکوئی شاہ ہویافقیرسب آپﷺ کی
خدمت میں سلام عرض کرتے ہیں۔ اﷲ تعالیٰ نے اپنے ذکر کے ساتھ اپنے انبیاء
خاص طور پرنبی کریمﷺ اور اپنے نیک بندوں کا ذکر بھی بلند فرمایا ہے۔جہاں اﷲ
تعالیٰ کا ذکرآتا ہے وہاں نبی کریمﷺ کا ذکر بھی ملتا ہے۔کلمہ طیبہ میں
ساتھ،اذان میں ساتھ،نماز میں ساتھ اور سب سے بڑھ کر قرآن مجید میں ساتھ۔اﷲ
تعالیٰ اپنے بندوں کا ذکر بلند کرے توکسی کوکوئی اعتراض نہیں ہے تو پھراﷲ
تعالیٰ کے حکم کے مطابق اُسی کے بندوں کا ذکرہم بلندکرتے ہیں توایک گروہ
پریشان کیوں ہوجاتاہے؟ڈاکٹر سے دوالینادرست اور اﷲ تعالیٰ کے نیک بندوں کی
دُعا سے شفاء پانا شرک کیوں ہے کچھ لوگوں کے نزدیک؟چند روزقبل میں لاہورسے
شائع ہونے والے ایک روزنامہ کے دفتر میں بیٹھا تھا کہ کرائم رپورٹر ہانپتا
ہوا آیا اور پریشانی کے عالم میں بتانے لگا کہ تین دن سے ہسپتالوں کے چکر
لگا رہا ہوں پردرد ہے کہ کم ہونے کا نام ہی نہیں لیتا۔اُس نے چیف
ایڈیٹر’امین بھٹی‘ اور دیگر عملہ کی موجودگی میں اپنی کیفیت بیان کی اتنے
میں وہاں موجود سجاد شاکر نے سردرد کی شکایت کی تو میں نے اپنے پیرومرشد
سید عرفان احمد شاہ المعروف نانگا مست سرکار کا فون نمبر ملاکراُسے دیا اور
کہا کہ دم کروالوابھی آرام آجائے گاوہ دم کروا کراپناکام کرنے لگ
گیا۔نیوزایڈیٹرمصطفی حسن نے سجاد سے پوچھا سردرد ٹھیک ہوگیا تمہارا؟اُس نے
کہا جی بالکل ٹھیک ہوگیا ۔کرائم رپورٹر یہ واقع دیکھ کر بولا یار مجھے بھی
دم کروادو۔میں نے ایک بار پھر پیرومرشد کا فون نمبر ملایااور سجاد کو کہاکہ
اُن کا تعارف کرواکر دم کی درخواست کرو۔پیرومرشد نے کرائم رپورٹرکو دم
کردیا۔دم کرنے کی دیر تھی کہ وہ ہشاش بشاش ہوکر بولا یار یہ تو کمال ہوگیا
۔میں نے تو ایسے ہی کہا تھا ۔میں تومانتا ہی نہیں ایسی باتوں کو اور نہ میں
شرک والے کام کرتاہوں پر آپ کے مرشد تو کمال ہیں میں بالکل ٹھیک ہوگیا
ہوں۔بس اب اس بات کا ڈرہے کہ کہیں پھر درد نہ شروع ہوجائے ۔میں نے اُسے شاہ
صاحب کا نمبردے کر کہا اﷲ نہ کرے پھر درد ہوتو فون کرلینا۔قارئین غور کریں
جب ڈاکٹر کے پاس جانا شرک نہیں تو اﷲ تعالیٰ کے کسی مقبول بندے سے دعا
کروانا شرک کس طرح ہوگیا؟کسی حکیم ،ڈاکٹر سے دوا لی جائے یا اﷲ تعالیٰ کے
نیک بندے سے دعا کروائی جائے کسی بھی حالت میں شفاء تو اﷲ تعالیٰ ہی
دیتاہے۔میرا ماننا ہے کہ رب رحمان اپنے بندوں کا ذکر اسی طرح بلند کرتا ہے
جب مخلوق کو فائدہ پہنچتا ہے تب ہی مانتی ہے اور رب رحمان کیلئے کچھ مشکل
نہیں جب چاہے جہاں چاہئے کسی سے بھی ،کوئی بھی کام لے سکتا ہے۔جس کو چاہے
عزت عطا کرسکتا ہے۔اﷲ پاک کا شکر ہے کہ ہم اﷲ تعالیٰ کے نیک
بندوں(صالحین)کا احترام کرتے ہیں ۔اُن کے سامنے اپنی مشکلات بیان کرتے اور
دُعاکی درخواست کرتے ہیں تو کوئی اس کا ہرگزیہ مطلب نہ لے کہ ہم اُن کو اﷲ
تعالیٰ کی مثل مانتے ہیں ۔اﷲ تعالیٰ کے نیک بندوں سے تعلیم وتربیت حاصل
کرنا۔اُن کی دُعاؤں کے سبب اﷲ تعالیٰ کا فیض پانا شرک نہیں ہوسکتا۔آجکل
دیوانے سرکار دوعالم حضرت محمدﷺکی ولادت کاجشن منا رہے تو کچھ لوگ اس پربھی
اعتراض کرنے لگ جاتے ہیں ۔ارے بھائی تیری،میری سالگرہ منائی جاسکتی ہے۔ہم
اپنے بچوں کی سالگرہ کے موقع پر خوب خوشی کرسکتے ہیں توپھر اﷲ کے حبیب نبی
ﷺ کی والادت کی خوشی کیوں نہ منائی جائے؟کیونکہ حضورﷺ کل کائنات کیلئے رحمت
بن کرآئے اس لئے آقا کریمﷺکی ولادت کی خوشی صرف انسان ہی نہیں بلکہ تمام
مخلوقات مناتی ہیں۔ ہاں ایک بات کا خیال رکھنا ضروری ہے کہ آپﷺ کی ولادات
کی خوشی مناتے وقت ادب واحترام کادامن نہ چھوٹ جائے اور نہ کسی ایسے طریقے
سے خوشی کا اظہار کیا جائے جس کی اجازت شریعت نہ دیتی ہو۔نبی کریم کے
دیوانے 12ربیع الاول کے دن غسل کریں ،ناخن کاٹیں ،بال بنائیں ،خوشبولگائیں
اور صاف ستھرا لباس پہن کر خوب سج دھج کر آقاکریم پر درودسلام پڑھیں اور
اپنی حیثیت کے مطابق لنگر تقسیم کریں ۔ممکن ہوتو آل رسول اﷲﷺکے آستانے پر
حاضر ہو کر عظیم الشان محفل میلادمیں شرکت کریں ۔آستانہ اویسیہ پیرووالاروڈ
قصور نزدجناں والی مسجد پر 12ربیع الاول ،4جنوری بروزاتوار۔دن11سے2بجے۔
زیرسرپرستی پیرومرشد سید عرفان احمد شاہ المعروف نانگامست سرکار ایک عظیم
الشان محفل میلاد منعقد ہوگی جس میں سرکاردوعالم کی ولادت کی خوشی بھی
منائی جائے گی اور مخلوق کی بھلائی کا درس بھی ملے گا۔اﷲ تعالیٰ مجھے اور
آپ کوحضورﷺکی ولادت کی خوشی ادب واحترام کے ساتھ منانے کی توفیق عطا فرمائے
اور ہرطرح کے شرک سے محفوظ رکھے (آمین) |
|