Main Apne Rab Say Razi Hoon

Hazrat Abu Bakar Siddique R.A Phati Purani Aur Boseedah Abaa Pehny Rasool ul Allah s.a.w.w Kay Pass Bathy Thay, Is Abaa (Chogha) Kay Kinary Khajoor Ki Shakhoon Aur Nabatat Ki Lakdiyon Say Jody gaye Thy, Hazrat Jibreel a.s Nazil Huwe Aur Daryaft Kiya: Ay Muhammad s.a.w.w. Kiya Wajah Hai Kh Me Abu Bakar R.A Kay Jisam Per Aesi Boseedah Qisam Ki Abaa Dekhta Hoon Jis Ko Is Tarah Say Joda Gaya Hai? Hazoor s.a.w.w Nay Farmaya Aye Jibreel a.s! Abu Bakar r.a Nay Fatah Say Pehly Apna Sara Maal Mujh Per Kharch Kar Diya Tha, Jibreel a.s Nay Farmaya: Allah Taalah Ap s.a.w.w Ko Salam Keh Rahy Hain Aur Ap s.a.w.w Say Farma Rahy Hain Kh Ap s.a.w.w. In (Abu Bakar r.a) Say Pochiye Kh Kiya Woh Is Halat-e-Faqar Per Allah Say Khush Hai Ya Na Khush ? Hazoor-e-Akram s.a.w.w Nay Pucha: Aye Abu Bakar r.a ! Allah Taalah Ap Ko Salam Keh Rahy Hain Aur Ap r.a Say Pooch Rahy Hain Kh Kiya Ap r.a Is Halat-e-Faqeerana Per Allah Taalah Say Khush Hain Ya Na Khush? Hazrat Abu Bakar r.a Nay Farmaya: Kiya Me Apny Rab say Na khush Ho Sakta Hoon ? Phir Azrah-e-Shoq Farmany Lagy: Me Apne Rab Say Razi hoon,Me Apne Rab Say Razi hoon,Me Apne Rab Say Razi hoon.
Subhan Allah !

Book Reference Hazrat Abu Bakar r.a Kay 100 Qisay