جراثیم

(Shahid Shakil, Germany)
صابن ،ٹوتھ برش اور بیت الخلاء کے علاوہ روزمرہ استعمال کی کئی اشیاء میں خطرناک جراثیم پائے جاتے ہیں ہم جانتے ہیں کہ جراثیم کی ہر مقام پر بہتات ہے اس کے باوجودکبھی جان بوجھ کر اور کبھی غیر اختیاری طور پر روزمرہ اشیاء کا اشتراک کرتے ہیں جس سے جراثیم پھیلنے کے علاوہ دوسرے افراد میں منتقل ہو جاتے ہیں،کچھ جراثیم اس حد تک خطرناک ہوتے ہیں کہ انسان کا مضبوط مدافعتی نظام بھی دفاع نہیں کر سکتا مثلاً ایک صابن کی ٹکیہ بھی جراثیم پھیلانے کیلئے کافی ہے۔ڈرمیٹالوجی کی ماہر ڈاکٹر افشیں فاطمی جو ڈُسل ڈورف کے ایس تھیٹک کلینک کی ڈائریکٹر بھی ہیں کا کہنا ہے جراثیم کے پھیلاؤ میں تولیہ سر فہرست ہے بہت سے لوگ اسے کوئی مسئلہ نہیں سمجھتے لیکن صابن اور تولیہ کے علاوہ دھاتی اشیاء مثلاً نیل کٹر میں بھی کئی جراثیم پائے جاتے ہیں جن کا ڈِس انفیکٹڈ ہونا لازمی ہے۔ایک مضبوط مدافعتی نظام یقینا انفیکشن کی روک تھام کر سکتا ہے لیکن کئی جراثیم اتنے خطرناک ہوتے ہیں کہ مضبوط سے مضبوط جسمانی نظام ان کا دفاع نہیں کر سکتا چند اشیاء کو کسی بھی صورت میں اشتراک کرنے سے اجتناب کیا جائے۔تولیہ۔نم تولئے میں کئی جراثیم پائے جاتے ہیں جن میں جوئیں یا دکھائی نہ دینے والے بہت باریک جراثیم جلد کی بیماریوں میں مبتلا کر سکتے ہیں ڈاکٹر کا کہنا ہے تولئے باقاعدگی سے گرم پانی میں دھوئیں اور کسی سے اشتراک نہ کیا جائے۔ شیور،ریزر۔خشک یا گیلی شیونگ کے بعد شیور یا استعمال شدہ ریزر کا اشتراک کرنے سے گریز کیا جائے کیونکہ جلد کی بیماری سٹیپھ انفیکشن کا خطرہ ہے جو جلد کو تقریباً پھاڑ سکتی ہے اگر کوئی شخص ہیپاٹائٹس میں مبتلا ہے تو استعمال شدہ شیور اور ریزر کے اشتراک سے دوسرا متاثر ہو سکتا ہے۔صابن۔صابن صفائی کے ساتھ جراثیم سے دفاع کرتا ہے لیکن حقیقت میں صابن کے اندر بھی جراثیم پائے جاتے ہیں ایک سٹڈی کے مطابق کریم یا لیکویڈ سوپ کا استعمال جراثیم سے محفوظ رکھتا ہے جبکہ عام صابن اور بیت الخلاء میں استعمال ہونے والے صابن کی جانچ پڑتال کی گئی جس کے منفی نتائج ثابت ہوئے تما م صابن میں کئی اقسام کے جراثیم پائے گئے جو اڑتالیس گھنٹے گزرنے کے بعد بھی صابن میں موجود تھے اس بات کا ٹھوس ثبوت ہے کہ عام صابن جسے کئی افراد یکے بعد دیگرے استعمال کریں تو انفیکشن ہو سکتی ہے۔رول اون ڈیو۔رول اون ڈیو کے اشتراک سے خطرناک جراثیم دوسرے انسان میں منتقل ہو سکتے ہیں ،عام ڈیو سپرے کے استعمال سے جلد کو نقصان پہنچ سکتا ہے اس لئے رول اون ڈیو کا اشتراک خطرناک قرار دیا ہے۔ہئیر برش۔ہئیر برش کے اشتراک سے صرف جوؤوں کے پھیلنے کا خطرہ ہی نہیں بلکہ سر میں خارش ہونے کے سبب جلد میں انفیکشن ہو سکتی ہے اس لئے ہئیر برش ،کنگھا وغیرہ کے اشتراک سے اجتناب کیا جائے اور برش کو دس منٹ گرم پانی سے صاف کرنا لازمی ہے۔نیل کٹر۔چونکہ ہیپاٹائٹس خون کے رابطے سے منتقل ہوتی ہے اسلئے نیل کٹر کا اشتراک نہایت رسک ہے ،اگر نیل کٹر کے استعمال سے انگلی یا ناخن زخمی ہو جائے اور اسی کٹر کو کوئی دوسرا استعمال کرے تو جراثیم منتقل ہونے کا خطرہ ہے اسلئے نیل کٹر کا اشتراک خطرہ ہے۔ٹوتھ برش۔ٹوتھ برش کے اشتراک سے دانتوں اور مسوڑھوں میں جراثیم پھیل سکتے ہیں استعمال شدہ ٹوتھ برش سے ہیپاٹائٹس سی بھی منتقل ہو سکتی ہے۔سن گلاسز۔ماہرین کے مطابق دھوپ کا چشمہ ،آئی ڈراپس اور میک اپ کی اشیاء کا اشتراک خطرناک ثابت ہو سکتا ہے کیونکہ ردو بدل سے آنکھوں کو نقصان پہنچ سکتا ہے۔ ہیڈ فون۔ایک ہی ہیڈ فون سے میوزک سننا کوئی اچھا آئڈیا نہیں ،صحت اور الائیڈ سائنس کے آن لائن میگزین میں بتایا گیا ہے کہ بیانوے فیصد اشتراک کئے گئے ہیڈ فون کو ٹیسٹ کے بعد نقصان دہ قرار دیا گیا ان میں شدید نقصان دہ جراثیم پائے گئے ماہرین کا کہنا ہے جراثیم کے پھیلاؤ کے علاوہ سماعت کے لئے بھی نقصان دہ ہے۔ٹوپیاں ، سکارف اور رومال۔کیونکہ جوئیں براہِ راست منتقل ہوتی ہیں اسلئے کپڑوں ،ٹوپیوں ، سکارف ، ڈوپٹوں اور رومال کا مشترکہ استعمال جراثیم کیلئے آسان راہ داری ہے جس سے جلد کو شدید نقصان پہنچ سکتا ہے۔
Comments
Print
06 Sep, 2015
Views: 732
Shahid Shakil
About the Author: Shahid Shakil Read More Articles by Shahid Shakil: 250 Articles with 259106 views Currently, no details found about the author. If you are the author of this Article, Please update or create your Profile here.
Add Your Article
Article Categories
Politics سیاست Society & Culture معاشرہ اور ثقافت Religion مذہب Other/Miscellaneous متفرق Literature & Humor ادب و مزاح Education تعلیم Health صحت Famous Personalities مشہور شخصیات Science & Technology سائنس / ٹیکنالوجی Novel افسانہ Sports کھیل True Stories سچی کہانیاں Books Intro تعارفِ کتب Travel & Tourism سیر و سیاحت Career کیریر Entertainment انٹرٹینمنٹ Kids Corner بچوں کی دنیا Poetry شعر و شاعری 100 Lafzon Ke Kahani سو لفظوں کی کہانی Young Writers نوجوان قلم کار Arts ہنر Military Democracy سول فوجی جمہوریت Hamariweb Writers Club ہماری ویب رائٹرز کلب
Recent Other/Miscellaneous Articles
Aga Khan V: Taking Key Steps for promoting Culture and Architecture
آغا خان پنجم: ثقافت اور فن تعمیر کے فروغ کیلئے حقیقی اقدامات
Building a Better Future: Aga Khan University’s Milestones in Education, Health, and Climate Action
ایک بہتر مستقبل کی تعمیر: آغا خان یونیورسٹی کی تعلیم، صحت، اور ماحولیاتی اقدامات میں نمایاں کامیابیاں
View all Other/Miscellaneous Articles
Most Viewed (Last 30 Days | All Time)