Humara Muasharah

Hamara Muasharah kia hai, Islamic bhi nai jo wo khud ko kehta hai, western bhi nai hai. Hum ne shayad ise do kashtiyon me aisa sawar ker liya hai k kisi ek per tikne ka sochen bhi to doob jane ka der lagta hai. Lekin iski inteha kia hai. Kash hum samajh pate k humara asal kia hai.

Hum ne apne muashareh ko jise hum kehte to islamic hain apne mutabiq dhal rakha hai. Jo basically mardon k zer-e-saya hai. Or wo us se bharpoor faida utha rahe hain. Humari khawateen knowledge hasil kerne ki zehmat kiye baghair ye samajh bethti hain k shayad Islam Murdon ko hi relief or zindagi jeene ka huq deta hai. Iski ek misal jo me ne khud Sura Bakra me perhi. Hum samajhte hain k Islam me murd non-muslim women se shadi ker sakta hai but aurat nahi. Lekin hamare Islam me aisa kuch hai hi nai. Wo to dono ko baraber rekhne wala deen hai.

Ref: "Or mushriq aurton se Nikah na kero jub tuk wo emaan na layen kiunk momin londi mushriq aurat se behter hai agar che wo tumen achi lagti ho. Or mushriq mardon k Nikah me na do jub tuk wo emaan na le ayen kiunk momin ghulam mushriq se behter hai agar chew o tumen acha lagta ho. Wo aag ki taraf bulate hain or ALLAH apne azan se jannat or bakhshish ki taraf bulata hai, or logon per apne ehkam wazeh kerta hai ta k wo naseehat hasil Karen." ( Sura-e- Bakra, Ayat:221)

Hum me se ziada ter log jante hi nahi k Islam kia kehta hai. Or hum sirf suni sunai baton per chal ek naya Islami Muasharah takhleeq kerne chale hain. Islam ko janene ki sirf ek hi rah hai Quran jis ki hifazat khud ALLAH ne apne zimme li hai. So, Hum per lazim hai k hum ise perhen agar hum hidayat chahte hain or apne hisse ka insaaf chahte hain. Quran is tarah ki lakhon misalon se bhara pera hai jo humen apna ap sudharane me madad de sakta hai. Jo humari baqa k liye lazim o malzoom hai yahan bhi or akharat me bhi.