(Chiraghdeen, Karachi)
Achha Bhala Naam Tha Go Keh Ajeeb Tha Magar Chand Ek K Alawa Kisi Ko Eteraaz Nahi Tha. Jo Samajhdar Pakhtoon Hein Ya Jinka Kisi Political Party Sey Ta'alluq Nahi Ya Jo Aam Log Hein Un Hon Ne Kabhi Bhi Pakhtoon Khowah Ya Pakhtoonistan Ki Baat Nahi Ki Aur Na Hi Kerni Chaheye Kiyon Keh Iss Province NWFP (Sarhad) Mein Sirf Pakhtoon Hi Aabad Nahi Hein Balkeh Hindko Bolney Walon Ki Bhi Achhi Bari Tadad Hey. Agar Hindko Bolney Wale Thorey Hotey Tau Phir Kisi Ko Eteraz Na Hota Magar Yeh Thorey Nahi Balkeh Keyi Barrey Shehron Per Moheet Inki Abaadi Hey. Naam Badalney Ki Zuroorat Kion Mehsoos Huwi…Zahir Hey Apas Mein Rehney Walon K Darmian Ranjish Paida Kerna, Agar Hazara Suba Ban Jata Hey Tau Kia Yeh Ranjish Khatam Ho Jaey Gi…Nahi Kabhi Nahi Balkeh Aur Ziadah Shiddat K Saath Ranjish Mein Izafa Ho Jaey Ga. Iss Liye Halaat Ka Taqaza Yeh Hey Keh…Agar Ek Betuke Naam Ko Tabdeel Kerna Bohot Hi Zururi Hey Tau Phir Tabdeel Karo Magar Koi Aisa Naam Rakho Jis Per Dono Group Razi Hoja Ain. Ziadah Soobey, Ziadah Pareshani…Kam Soobey…Zehni Sukoon…Behter Tau Yeh Hey Keh Qabail Aabadi Ko Bhi NWFP Mein Shamil Kardia Jaey Aur Inn Tino Ko Milakar Ek Naya Naam Dia Jaey Jo Tino Ko Apas Mein Jaurr Ker Rakhey Na Keh Torr Ker. Mere Zehen Mein Yeh Naam Ata Hey; "MAKHLOOTISTAN" Agar Yeh Pasand Ajaey Tau Yeh Warna Koi Aur Naam Jis Per Sab Muttafiq Ho Jaein, Magar Pakhtoonkhuwah Nahi Aur Na Hi Haza Ka Naya Sooba………Kiyon Keh Iske Baad Soobon Ki Line Lag Jaey Gi…..Punjab Ke 3 Subey….Siraeki Aur Bahawalpur State? Iske Baad Baluchistan Bhi Tayyar Betha Hey, Wahan Bhi Lasbela Aur Qallat Ki Estates Mojood Thein Waghera? Isliye Munasib Maloom Hota Hey Keh Mojoodah Aadhey Pakistan K Mazeed Hissey Bakhrey Kerney K Bajae Isko Bachaya Jaey (Jab Bangladesh Nahi Thaa Tau Yeh Poora Pakistan Tha, Zalimon Neiy 30 Saal Pehley Isko Adha Kia Aur Ab Mazeed Iske Hissey Kerna Chahtey Hein…Logon Ki Zabani Suna Keh Pakhtoonkuwah Ko Afghanistan Mein Zamm Kerney Ki Saazish Tayyar Ki Gai Hey…Baluchistan Ko Iran Mein Zam Kerney Ki Saazish, Sindh Ko India Mein Zam Kerney Ki Saazish Aur East & West Punjab Ko Milaker Greater Punjab Bananey Ki Saazish Jahan Sikka Chaleyga Sikkhon Ka Musalmano Ka Nahi; Agar Aap Log Apney Watan Pakistan Sey Mukhlis Hein To Sisasi Partion Ki Baton Mein Aakar Apna Aap Khatam Na Karein Apney Wujood Ko Baqi Rakhein). Pakistan Khatam Honey Ke Liye Nahi Balkeh Baqi Rehney Ke Liye Bana Tha… Jis Mulk Ka Qiam Ramzaan Shareef Ki 27 Ween Shab (Laila Tul Qadr) Mein Wujood Mein Aya Ho…Woh Khatam Nahi Ho Sakta……Khatam Kerney Ka Sochney Waley Khatam Ho Jaeinge Magar Yeh Insha ALLAH Baqi Raheyga. Bohot Sey Aaee Aur Challey Gaey…Mojooda Bhi Challey Jaein Gey Magar Musalmano Ka Yeh Mulk Pakistan Insha ALLAH Baqi Rahey Ga. Ummed Hey Pakistani Muslim Zurror Ghor Fermaein Ge.