Zain Hotel Ki Kherkee Say
Barish Kaa Nazara Kartay Huay Hum Soch Rahay Tha Jabh 1853 Mein British Major
James Abbot Nay Iss Shaer Ko Abaad Kia Hu Ga Uss Time Ye Kasa Hu Ga Hum
Islamabad Say11okm Douree Par Thay Khtay Hein James Sahib Ko Iss Shaer Say Ishq
Hu Gia Tha Jabh Wo Wapis Apnay Mulk Chala Gia Tu Iss Shaer Ki Muhbat Usay Udaas
Kar Dety Thee Uss Nay Ek Nazam Iss Shaer Ki Muhabat Or Gham E Faraaq Mein Likhee
Humein Iss Baat Par Ubh Koi Hairat Nahi Hu Rahee Thee Ye Shaer Bhut Masoom Saa
Tha Siayahun Ka Dil Rakhnay Kay Liye Ye Har Traa Kaa Roop Dhaar Laita Tha Jasay
Koi Nai Naveli Dulhan Apnay Piya Kaa Maan Jitnay Kay Liye Har Hukaam Foran Say
Peshtar Baja Laaty Hay Naye Say Naye Laibaas Zab Tan Krty Hay Abbotabad Bee Asa
Hee Tha Kay Koi Bee Mehman Iss Say Khafa Hu Kar Na Jaye Iss Kay Pas Sakoon Tha
Muhbat Thee Han Bilkul Naram See Muhabat Jasay Barfeeli Subah Mein Nazuk See
Dhoop Hu,,Ye Mera Watan Hay Iss Par Qurbaan Jaan O Tan Hay.Din Agay Bar Kar
Shaam Ki Chadar Ohrnay Ko Thaa Hum Abbotabad Ki Naram Aghoosh Kay Mazay Lay
Rahay Thay Bachay Ju Paharee Par Rehtay Thay Wo Apnay Paharee Par Banay Huay
Ghron Say Barish Kay Mazay Lainay Nechay Oper Aa Jaa Rahay Thay Un Ki Mahaarat
Or Stemna Qabil E Rushk Thaa.Kuch Siah Hum Say Bee Zayda Iss Mosam Kay Ashiq
Thay Wo Dour Abhee Bee Bazaar Mein Apnay Aap Ko Abbotabad Kay Mosam Kay Hawalay
Kiyay Huay Thay,,Khan Saab Ubh Ya Kapray Kasay Sukhein Gay,,,,,,,,,,,,,Kaleem Ki
Awaaz Kay Sath Hum Hotel Kay Kamray Mein Wapis Aa Gaye Hum Loghun Nay Apnay
Jogers Mozay Dhu Kar Baher Gallery Mein Rakh Diye Thay Kapray Geelay Zaror Huay
Thay Magar Ganday Nahi Huay Thay Laghta Hay Iss Shaer Mein Barish Bee Mineral
Water Wali Thee Hum Nay Kaha Ek Hi Joraa Laye Thay Kia,,,,,Navid Apnay Cigerte
Kay Dhuwaein Mein Hee Khuyaa Hua Tha ,,,Uss Nay Hum Dono Ki Taraf Asay Dekha
Jasay Hum Koi Alien Hun Bola Kal Konci Eid Hay Ju Kapron Kay Liye Itnay Fiqar
Mand Hu Rahay Hu Sohail Tanzia Andaaz Mein Bola Oh Dhakan Hum Teri Tra Kapray
Haftay Kay Haftay Nahi Badaltay Tu Tuu Jabh Tak Kapray Mail Say Jisam Say Naa
Chupak Jaien Uss Time Tak Pehnay Rakhnay ,,,,Navid Nay Kaha Acha Bahi Tu Daily
Badal Lia Kar Modelling Karni Ju Huty Hay.Hum Nay Reilling Par Mojhdu Kapron Par
Nigah Dali Sab Kay Sab Apni Jagah Moujhudh Thay Uss Mein Hotel Walay Towal Ka
Izafa Hu Chucka Tha (Jaaree Hay)