Abbotabad Kay Main Bus Aday Par
Thandiani Janay Kay Liye Hum Gari Walay Ko Talash Kar Rahay Thay Kabi Gari Walay
Ko Hum Pasand Nahi Atay Kabi Humein Uss Ki Fee Pasand Nahi Aty Par Ajh Thandiani
Jana Bhut Zarorri Tha Kal Humein Abbotabad Ko Kherbaad Kahnaa Tha Driver Hazraat
Season Or Loghun Say Bhuray Huay Abbotabad Ko Dekh Rahay Thay Humaree Jaib Un Ko
Nazar Nahi Aa Rahee Thee Baat Bantay Bantay Bighree Ja Rahee Thee Hum Subah 6
Bajay Say Hotel Say Baher Thay Raat Rooftop Par Deir Tak Jaghtay Rehnay Kay
Bawajood Subah Abbotabaadi Pani Nay Humein Fresh Kar Dia Tha Nashtay Kay Baad Tu
Humein Saree Duniya Wesay Bee Colorfull Nazar Anay Laghty Hay Kaleem Or Sohail
Kuch Lainay Ki Gharz Say Agay Bar Gaye Or Kaha Agar Gari Hu Jaye Tu Hum Agay
Choke Say Baith Jaein Gay Mn Or Navid Juice Kay Chakar Mein Par Gaye Siah Hotel
Say Nikalna Shuro Hu Gaye Thay Un Ki Subah Bee Hu Chuckee Thee Hum Tu Khtay Hein
Sona Hay Tu Apnay Ghar Say Achee Koi Jagah Nahi Itni Dour Anay Ki Zarorat Nahi
Kuch Logh Serf Khanay Or Sonay Atay Hein Jabh Kay Safar Mein Kam Say Kam Khao Or
Zayda Say Zayda Ankh Khuli Rakhu Kia Pata Siah Ki Ankh Kasa Manzar Dekh Lay Jis
Kay Liye Wo Ghar Say Nikla Hu Ya Shaied Ju Us K Tasawar Mein Bee Naa Hu.Ajh
Subah Sorajh Ankh Macholi Khel Raha Tha Ata Tha Jata Tha Kuch Talash Kar Raha
Tha Shaied Koi Haseena Aas Paas Thee Ju Us Kay Roshan Say Mann Ko Baha Gai Thee
Humaray Aas Pas Kaiei Haseen Chahray Ghoom Rahay Thay Par Kon Kaha Say Aya Or
Kaha Jaa Raha Hu Ga Iss Ki Koi Khabar Nahi Thee Ek Du Kii Humaray Sathion Nay
Tareeef Bee Kee Magar Shaied Abhee Hamara Pitnay Kaa Koi Mood Nahi Thaa Ghar Sey
Itni Dour Hum Koi Maar Khanay Kay Liye Thoree Aye Thay Pher Bee 2 ,,Ya 4 Ko Ubh
Sahi Say Yaad Nahi Hum Nay Dartay Dartay Dekha Thaa Par Koi Kamiyabi Naseeb Nahi
Hui Iss Liye Hum Nay Shareef Or Masoom Ban Janay Mein Hee Afiyat Jaani Par
Sohail Or Navid Kay Nazdeek Mayusee Khufar The Is Liye Wo Kici Na Kici Tariqay
Say Kuch Na Kuch Paa Hee Laitay Thay Shaied Ek Achi Masoom See Muskarahat Siah
Ka Mood Acha Kar Dety Hu Abhee Tu Humein Fiqar Thee Kay Asa Naa Hu Abotabad Ki
Tamaam Gaarian Naraan Ko Na Chali Jaien Or Hum Thandiani Na Jaa Paein Abhee
Humaree Mehbooba Tandiani Hee Thee(Jaaree Hay)