ہمارے معاشرے میں ہمیں جن مسائل کا سامنا
کرناپڑرہا ہے ۔ان میں سے بیشتر ہماری اپنی غفلت اور نادانی کا سبب ہیں۔
معاشرے میں بڑھتے ہوئے جرائم کے ساتھ ساتھ نوجوان نسل میں سگریٹ اور شیشہ
جیسے نقصان دہ شوق کا رجحان بھی بڑھتا جارھاہے۔شیشہ جو حقے کی طرح ایک چیز
ہے جو کہ اب بہت مقبول ہو گئ ہے ۔اور نہ صرف پاکستان بلکہ پوری دنیا میں اس
کے "بازار" اور "کیفے " کھل چکے ہیں ۔اس نشے کو اب فیشن کے طور پر استعمال
کیا جاتا ہے ۔جن میں نہ صرف لڑکوں بلکہ نوجوان لڑکیوں کی تعداد بھی بڑھتی
جارھی ہے۔اور اس جان لیوا نشے کا شکار ہیں ۔یہ ایک انتہا ئ مہلک مرض ہے
کیونکہ شیشے میں یورینم اور سیسہ سمیت دیگر مہلک چیزیں بھی پا ئی جاتی
ہیں۔اور اس کے مختلف فلیورموجود ہوتےہیں۔ جو لوگ شیشہ پیتے ہیں وہ سگریٹ کے
مقابلے میں 26 گنا زیادہ نقصان دہ اجزاء سے اپنے پھیپھڑوں کو آلودہ کر رہے
ہوتے ہیں۔ شیشہ کے کیفے اب کھلے عام نوجوان نسل کو بےراہ روی کا شکار کررہے
ہیں۔ افسوسناک بات یہ ہے کہ شیشہ پینے کا رجحان دن بدن بڑھتا جارھا ہے ۔جس
کی وجہ سے کینسر 'دل اور دیگر مہلک امراض لاحق ہونے کا خدشہ ہوتا ہے ۔ان
بیماریوں سے ہر سال ہزاروں افراد ہلاک ہوجاتے ہیں ۔۔۔۔۔۔۔۔۔۔۔۔۔۔۔۔۔۔۔ؒ
قابل غور بات یہ ہے کہ معاشرے میں اس بڑھتے ناسور کو کم کرنے میں ہم اپنا
حق ادا کریں اور لوگوں کو اس بات سے آگاہ کریں کہ بطور فیشن پیے جانے والے
نشے کا اختتام بلآخر کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔
|