ایکشن اور ان ایکشن !
(Sarwar Sidduiqi, Lahore)
لگتا ہے حکومت اور نیب دونوں مشکل میں
ہے۔۔دونوں ایک دوسرے کے آمنے سامنے ہیں۔۔ دونوں کا امتحان شروع ہوگیاہے۔
نیب کے سابقہ چیئرمین فصیح بخاری کو عدالت ِ عظمیٰ کے حکم پر فارغ کیا گیا
تو حکومت نے اپوزیشن لیڈر کی مشاورت کے بعد چوہدری قمرالزماں کو نیا چیئر
مین مقررکیا حکومت اور اپوزیشن دونوں’’ خوش ‘‘ تھے اپنا بندہ آگیاہے اب
دوسروں کا احتساب ہوگا لیکن آج کیا حکومت کیا اپوزیشن والے دونوں باں باں
کرتے پھررہے ہیں اسی صورت ِ حال میں میاں نوازشریف اور خورشید شاہ کو یقینا
یہ شعرتو یاد آتاہی ہوگا
میرے ہاتھوں کے تراشے ہوئے پتھر کے صنمـ
آج بت کدے میں بھگوان بنے بیٹھے ہیں
تازہ ترین اطلاعات کے مطابق نیب میں150بااثر شخصیات کی فائلیں ری اوپن
ہورہی ہیں جن میں پنجاب میں50سے زیادہ لیگی رہنما بھی شامل ہیں ا ن کے خلاف
نیب NI ACTIONہوگئی ہے ان میں سابقہ وزیر ِ اعظم محترمہ بے نظیر بھٹو کے
شوہر ِ نامدار آصف علی زرداری ( جن کا نام ہی کافی ہے )،گورنرپنجاب رفیق
رجوانہ، تین بار وزیر ِ اعظم بننے کا اعزازحاصل والے میاں نوازشریف، سید
موسیٰ پاکؒ کے گدی نشین سید یوسف رضا گیلانی،پنجاب کی تاریخ کے سب سے زیادہ
منتخب ہونے والے و زیر ِ اعلیٰ میاں شہبازشریف، ان کے ہونہار سپوت میاں
حمزہ شہباز،رینٹل پاور کے بے تاج بادشاہ راجہ پرویز اشرف،سردار آصف
نکئی،دڈیو سکینڈل فیم رانا مشہوداحمدخان،صوبائی وزیر ِ قانون رانا ثناء اﷲ،سابقہ
وزیر ِ پٹرولیم امان اﷲ خان جدون، بے نظیر انکم سپورٹ کی سابقہ چیئر پرسن
فررانہ راجہ،سابقہ ڈی سی اسلام آباد کامران لاشاری،راشدہ یعقوب، آئی جی جیل
خانہ جات،عبداﷲ یوسف، ایم زیڈ اقبال،طارق خان سمیت سینکڑوں بااثر افراد
شامل ہیں جن کے خلاف اختیارات سے تجاوزکرنے،سرکاری زمینوں پر قبضہ،سرکاری
فنڈز خوردبرد کرنے کے الزامات ہیں نیب نے ان تمام شخصیات کے خلاف گھیرا تنگ
کرتے ہوئے ان کے نام ECL میں ڈالنے کی ہدایات جاری کردی ہیں۔۔۔ ماضی میں
محترمہ بے نظیر بھٹو اور آصف علی زرداری کے خلاف کرپشن کے درجنوں مقدمات
قائم کئے گئے جس کی پاداش میں سابقہ صدر 8سال قید بھی رہے مقدمات کی پیروی
کے لئے سرکاری خزانے سے کروڑوں روپے خرچ کردئیے گئے لیکن ٹائیں ٹائیں فش کے
مصداق ان پر ایک بھی الزام ثابت نہیں کیا جا سکاویسے بھی پاکستان میں کسی
بااثر شخصیت کو آج تک کسی کیس میں بھی سزانہیں ہوئی تمام مقدمات ریت کی
دیوار ثابت ہوئے جس پر کرپشن کا مقدمہ بنا وہ اپنے حامیوں کے جھرمٹ میں حلق
پھاڑ نعروں کی گونج میں عدالت میں اس شان سے وکٹری کا نشان بناتاہوا پیش
ہوتے ہیں جیسے انہوں نے کشمیر فتح کرلیا ہو۔ اگر گوڈے گوڈے کرپشن میں ملوث
ملزمان کا یہ اندازہے تو پھر اندازہ لگایا جا سکتاہے ہم اخلاقی اقدارکی کس
منزل پر ہیں اب خدا ہی بہتر جانتاہے یہ بلندی ہے یا پستی۔۔۔ اگر یہ بلندی
ہے تو پھر پستی کیسی ہوگی؟۔۔۔گذشتہ سال کراچی کی روشنیاں بحال کرنے کرنے کے
لئے موجودہ حکومت نے جواقدامات کئے اس کی روشنی میں ڈاکٹر عاصم حسین کی
گرفتاری ایک دھماکہ ثابت ہوئی اسے آصف علی زرداری کا فرنٹ مین، دہشت گردوں
کا سہولت کار اور 250ارب کی کرپشن قرار دیاگیا اور ایسی ایسی کہانیاں منظر
ِعام پر آئیں کہ سندھ حکومت کے ہاتھوں کے طوطے اڑ گئے پیپلز پارٹی کے
رہنماؤں نے شور مچا دیا کہ نیب کو صرف پیپلز پارٹی ہی نظر آتی ہے ہمیشہ جس
کااحتساب کیا نیب پنجاب کارخ کیوں نہیں کرتی۔۔۔ اور پھر قومی احتساب بیورو
پنجاب میںNI ACTIONہوئی تو وزیر ِ اعظم نے کہا نیب معصوم لوگوں کا احتساب
کررہی ہے جس سے سرمایہ کاری پر برااثرپڑے گا نیب پر نظررکھنے کیلئے کمیشن
قائم کیا جائے گاوزیر ِاعظم کا لہجہ انتہائی جارحانہ تھا پھر و زیر ِ اعلیٰ
پنجاب میاں شہبازشریف اور کئی وزیر و مشیروں نے نیب کو آڑے ہاتھوں لیا کچھ
نے تو یہاں تک کہہ ڈالا کہ احتساب کرنے والوں کا بھی احتساب ہونا چاہیے۔۔
کرپشن کا ناسور اس حد تک ہمارے اداروں،محکموں اور بااثر شخصیات کی رگ رگ
میں بس چکاہے کہ صرف ایک دن کے اخبار میں کئی خبریں چھپی ہوتی ہیں اب
توکرپٹ مافیا نے لوٹ مارکے ٹیکنیکل طریقے ایجاد کرلئے ہیں حیرت انگیر
کہانیاں ظاہرکرتی ہیں کرپشن ہزاروں،لاکھوں کی کرپشن کرپشن ہی نہیں سمجھی
جاتی اب بات اس سے کہیں آگے جا پہنچی ہے۔۔۔ کروڑوں سے اربوں تک کی کرپشن کی
جارہی ہے اور کتنی ستم ظریفی کی بات ہے کہ آج تک کسی ایک بھی کرپٹ کو سزا
نہیں ہوئی ۔۔ پٹرولیم کے ایک سابقہ عہدارکی85ارب کی کرپشن بے نقاب ہوئی تو
وہ ملک سے فرارہوگیا انٹرپول کے ذریعے گرفتار کرکے واپس لایا گیا لیکن لوٹی
ہوئی دولت پھر بھی واپس نہ ملی اب وہ ’’صاحب ‘‘جانے کہاں ہیں؟ ان کے خلاف
کرپشن کے کیس کا کیا بنا؟۔۔۔ کوئی نہیں جانتا۔۔۔اڈیٹرجنرل نے اپنی ایک
رپورٹ میں کہا ہے کہ دانش سکولوں میں ایک ارب 25کروڑکی ہیرا پھیری کی گئی
ہے جس پر وزیر ِ تعلیم پنجاب رانا مشہوداحمدخان نے وہی گھسا پٹا۔۔ ڈھیلا
ڈھالا بیان داغاہے ذمہ داروں کے خلاف کارروائی ہوگی رقم بھی واپس لی جائے
گی۔۔۔جماعت اسلامی کے امیر سراج الحق کا تازہ بیان ہے پاکستان میں
روزانہ12ارب ،سالانہ 4320ارب کی کرپشن ہورہی ہے جس کے باعث ملک70ارب ڈالرکا
مقروض ہے پیلی ٹیکسی،روزگار سکیم،پڑھا لکھا پنجاب، تیل، گیس اور معدنی
ذخائرمنصوبوں میں100-100ارب ڈکارلئے گئے دھرنوں کے دوران ڈاکٹر طاہرالقادری
نے کہا تھا میرے پاس ناقابل ِ تردید ثبوت ہیں کہ لانچیں بھر بھر کر نوٹ
دبئی سمگل کئے جارہے ہیں۔۔۔ ایک وفاقی وزیر نے الزام لگایا ہے کہ صرف
خیبرپی کے میں8ارب سالانہ کی گیس چوری کی جارہی ہے ۔ نہ جانے کتنی ماڈل
گرلز منی سمگلنگ میں ملوث ہیں ان کی آنیاں جانیاں ہی ختم نہیں ہوتیں۔ ایک
خبر کے مطابق قومی اسمبلی کی قائمہ کمیٹی نے انکشاف کیا ہے کہ غیرملکی آئل
کمپنی‘‘ مول‘‘پاکستان میں143کی آئل چوری ملوث ہے اس واردات میں’’ اپنے
‘‘بھی شامل ہیں اسی لئے ملک کنگال ہوتا جارہاہے۔ مال بنانے کے لئے پہلے
قومی اداروں کو غیرمنافع بخش قراردے کر اونے پونے بیچ دیا جاتاہے شنیدہے کہ
خریدنے والے بھی بیچنے والوں کے فرنٹ مین ہوتے ہیں۔۔ کرپشن نے پاکستان سٹیل
ملز،PIA،نندی پور پراجیکٹ،پاکستان ریلویز جیسے بڑے ا دارے تباہ کرکے رکھ
دئیے لیکن کسی کو ذمہ دارقرار دیا گیا نہ کسی کا احتساب ہوا حالانکہ ہر
کرپٹ شخص پاکستان کا دشمن ہے بجلی چور، گیس چور ،ٹیکس چور۔ اس پاک دھرتی کے
مجرم ہیں قبضہ مافیا،دونمبرکام کرنے والا ہرفرد عوام کی خوشیوں کا قاتل ہے۔۔
مہنگائی کا سبب ہے ایسے ہر ہر شخص کونیب کے شکنجے میں جکڑ دیا جائے یہی
حالات کا تقاضاہے اورپاکستان کی ترقی کا نسخہ ٔ کیمیا بھی ۔۔پاکستان کو
بچاناہے تو کرپٹ مافیاکامنطقی انجام ناگزیرہے اس کے لئے نیب کو اپنی دمہ
داریاں پورا کرناہوں گی ہرکرپٹ کااحتساب اس ادارے کا نصب العین ہوگا تو
ملکی معیشت کا خون چوسنے والی جونکوں سے چھٹکارا ممکن ہے حکومت کو بھی عقل
کے ناخن لینا ہوں گے نیب کی حیثیت ایک آزاد، خود مختار اور غیرجانبدار کے
طورپر بحال رہنی چاہیے ایک نیا احتساب کمیشن بناکر اسے متنازعہ نہ کیا
جائے۔۔۔لگتاہے حکومت اور نیب دونوں مشکل میں ہے۔۔دونوں ایک دوسرے کے آمنے
سامنے ہیں۔۔ دونوں کا امتحان شروع ہوگیاہے اس امتحان میں سرخرو ہونے کیلئے
نیب کو NI ACTION ہونا ہی چاہیے یہ اس کی کریڈبیلٹی کا سوال ہے۔ |
|